యాక్ట్ ఫైబర్నెట్ ‘యాక్ట్ స్ట్రీమ్ టీవీ 4K’తో గృహ వినోద అనుభవాన్ని మరింత ఉన్నత స్థాయికి తీసుకెళ్లింది
ఏఐ ఆధారిత కంటెంట్ శోధన, 400కుపైగా ప్రత్యక్ష టీవీ ఛానెల్లు మరియు ప్రముఖ ఓటీటీ వేదికలతో కూడిన సమగ్ర ఎంటర్టైన్మెంట్ హబ్
భారతదేశంలోని ప్రముఖ బ్రాడ్బ్యాండ్ సేవల ప్రదాతలలో ఒకటైన యాక్ట్ ఫైబర్నెట్, భారతీయ కుటుంబాలు కంటెంట్ను కనుగొని ఆస్వాదించే విధానాన్ని మరింత సులభతరం చేసే యాక్ట్ స్ట్రీమ్ టీవీ 4K అనే ఏఐ ఆధారిత ఎంటర్టైన్మెంట్ హబ్ను ఆవిష్కరించింది. ఒకే వేదికపై 400కుపైగా ప్రత్యక్ష టీవీ ఛానెల్లు, ప్రముఖ ఓటీటీ వేదికలు మరియు ఏఐ ఆధారిత కంటెంట్ శోధన సదుపాయాన్ని అందుబాటులోకి తీసుకువచ్చింది. ఈ పరికరం యాక్ట్ ఫైబర్నెట్ వినియోగదారులకు మాత్రమే అందుబాటులో ఉంటుంది.
ప్రస్తుతం వినోద కంటెంట్ అనేక ఓటీటీ వేదికల్లో విస్తరించడంతో, వినియోగదారులు కంటెంట్ను వీక్షించడానికంటే దానిని వెతకడానికే ఎక్కువ సమయం వెచ్చిస్తున్నారు. ఈ సమస్యకు పరిష్కారంగా, యాక్ట్ స్ట్రీమ్ టీవీ 4Kలో ఏఐ ఆధారిత కంటెంట్ శోధనను అందుబాటులోకి తీసుకొచ్చింది. వినియోగదారులు “30 నిమిషాల కామెడీ”, “చెస్ ఆడే అమ్మాయి ఉన్న షో” వంటి సహజ భాషలో చెప్పిన సూచనల ఆధారంగా వివిధ ప్లాట్ఫారమ్లలోని సంబంధిత కంటెంట్ను సులభంగా గుర్తించవచ్చు. ప్రస్తుతం ఈ ఫీచర్ ఇంగ్లీష్, హిందీ, తెలుగు, కన్నడ, మరాఠీ మరియు తమిళం సహా ఆరు భారతీయ భాషల్లో అందుబాటులో ఉంది.
యాక్ట్ స్ట్రీమ్ టీవీ 4Kలో 400కుపైగా ప్రత్యక్ష టీవీ ఛానెల్లు, ఈపీజీ (ఎలక్ట్రానిక్ ప్రోగ్రామ్ గైడ్), నేరుగా ఛానెల్ నంబర్ నమోదు చేసే సౌకర్యం, అలాగే వ్యక్తిగత షార్ట్కట్లతో కూడిన ప్రత్యేక రిమోట్ వంటి ఫీచర్లు ఉన్నాయి. ఈ పరికరాన్ని స్మార్ట్ టీవీలతో పాటు నాన్-స్మార్ట్ టీవీల్లోనూ ఉపయోగించుకోవచ్చు.
ఈ సందర్భంగా యాక్ట్ ఫైబర్నెట్ ముఖ్య వృద్ధి అధికారి రవి కార్తిక్ మాట్లాడుతూ, “వినియోగదారులు ఏమి చూడాలనే విషయాన్ని సులభంగా గుర్తించేలా ఏఐ ఆధారిత పరిష్కారాన్ని రూపొందించాం. బ్రాడ్బ్యాండ్ సేవలను కేవలం కనెక్టివిటీకే పరిమితం చేయకుండా, వినియోగదారులకు మరింత వ్యక్తిగతీకరించిన డిజిటల్ అనుభవాలను అందించడమే మా లక్ష్యం.” అని తెలిపారు.
యాక్ట్ స్ట్రీమ్ టీవీ 4Kను నెలకు రూ.99 అద్దె పద్ధతిలో లేదా రూ.4,499 (జీఎస్టీ అదనం) చెల్లించి కొనుగోలు చేయవచ్చని సంస్థ వెల్లడించింది.