ఆరోగ్య‌క‌ర‌మైన జీవనం కోసం ఆరోగ్య‌క‌ర‌మైన ఆహారం : తుల‌సి
- నేష‌న‌ల్ న్యూట్రిష‌న్ వీక్ – సెప్టెంబర్ 1 నుండి 7 వరకు 2020
ఆరోగ్య‌మైన జీవితానికి ఆరోగ్య‌క‌ర‌మైన ఆహార‌మే శ్రేయ‌స్క‌రమ‌ని అంటున్నారు కిమ్స్ సికింద్రాబాద్ డైటిషీయ‌న్, డాక్ట‌ర్ తుల‌సి.
ప్రస్తుత కోవిడ్ కాలంలో మంచి పౌష్టికాహారం తీసుకోవాని సూచించారు. నేష‌న‌ల్ న్యూట్రిష‌న్ వీక్ భాగంగా ప్ర‌తి ఒక్క‌రూ పౌష్టికాహార విష‌యాల గురించి తెలుసుకోవాల్సిన అవ‌స‌రం ఉంద‌న్నారు. ఈ పౌష్టికోత్స‌వ వారోత్స‌వాన్ని (ఎన్‌ఎన్‌డబ్ల్యు) అనేది భారత ప్రభుత్వంలోని మహిళా మరియు శిశు అభివృద్ధి మంత్రిత్వ శాఖ, ఆహార మరియు పోషకాహార బోర్డు ప్రారంభించిన వార్షిక పోషకాహార కార్యక్రమం అని తెలిపారు. చక్కని సమతుల్య ఆహారం ప్ర‌జ‌ల్ని ఆరోగ్యంగా ఉంచుతుంది. అల‌గే వారికి మంచి రోగనిరోధక శక్తిని అందిస్తుంది. దీర్ఘకాలిక అనారోగ్యం మరియు అంటు వ్యాధులను త‌గ్గిస్తుందని పేర్కొన్నారు.
- శరీరానికి అవసరమైన విటమిన్లు మరియు ఖనిజాలు, అధిక ప్రోటీన్లు క‌లిగిన మరియు రోగనిరోధక శక్తిని పొందడానికి ప్రతిరోజూ వివిధ రకాల తాజా మరియు పౌష్టిక ఆహారాన్ని తీసుకోవాలి.
- పండ్లు, కూరగాయలు, చిక్కుళ్ళు (ఉదా. ప‌ప్పుదినుసులు, బీన్స్), కాయలు మరియు తృణధాన్యాలు (ఉదా. ప్రాసెస్ చేయని మొక్కజొన్న, మిల్లెట్, వోట్స్, గోధుమ పిండి, దుంపలు లేదా బంగాళాదుంప, స్వీట్ పోటాటో, యామ్ వంటి దుంపలు, మరియు జంతువుల నుండి ల‌భించే ఆహారాలు (ఉదా. మాంసం, చేపలు, గుడ్లు మరియు పాలు).
- స్థానిక మార్కెట్ల‌ల‌లో ల‌భించే ఆహార పదార్థాలు, తృణధాన్యాలు తాజా మరియు కాలానుగుణమైన పండ్లు మరియు కూరగాయలు తీసుకోవాలి.
- ఈ మాక్రోన్యూట్రియెంట్ అమైనో ఆమ్లంతో తయారైనందున మనం ప్రోటీన్ మీద దృష్టి పెట్టాలి. ఇవి శరీరాన్ని విస్తృత శ్రేణి ఇన్ఫెక్షన్ల నుండి రక్షించడానికి ప్రతిరోధకాలను తయారు చేయడానికి ఉపయోగప‌డుతాయి.
- ప్ర‌తి రోజు తీసుకునే మూడు పూట‌ల భోజ‌నంలో మంచి ప్రోటీన్ ఉన్న ఆహారాల‌ను ఖ‌చ్చితంగా తీసుకోవాలి. అదనంగా ప్రోటీన్ అల్పాహారం కూడా తీసుకోవాలి.
- మాంసం, గుడ్లు, పాల ఉత్పత్తులు, సీఫుడ్