8 నెలల శిశువు ప్రాణాలను కాపాడిన హైదరాబాద్ లిటిల్ స్టార్స్ & షీ వైద్యులు
హైదరాబాద్, సెప్టెంబర్ 23, 2025: 8 నెలల శిశువుకు శ్వాసనాళంలోని ఏర్పడిన భారీ కణితిని తొలగించి ప్రాణాలు కాపాడారు. ఇంత తక్కువ వయసున్న శిశువుకి ఇలాంటి చికిత్స చేయడం హైదరాబాద్ లో తొలసారి. ఇందుకు సంబంధించిన వివరాలను బంజారాహిల్స్ లోని లిటిల్ స్టార్స్ & షీ, ఉమెన్స్ & చిల్డ్రన్స్ హాస్పిటల్ డా. సతీష్ ఘంటా తెలిపారు.
ఆ చిన్నారి వయసు కేవలం 8 నెలలు. ఆంధ్రప్రదేశ్ రాష్ట్రంలోని రాజమండ్రి ప్రాంతానికి చెందిన ధనలక్ష్మి దంపతుల కుమారుడైన ఆ బాబుకు రెండు వారాల నుంచి తీవ్రమైన దగ్గు, జలుబుతో ఊపిరి ఆడకపోవడం, వారం రోజుల నుంచి జ్వరం కూడా ఉండడంతో వైద్యులకు చూపించారు. బ్రాంకోన్యుమోనియా అని అనుమానించిన వైద్యులు తొలుత యాంటీబయాటిక్స్ ఇంజెక్షన్లతో చికిత్స ప్రారంభించారు. కానీ ఎంతకూ లక్షణాలు తగ్గకపోవడంతో ఇంకా తీవ్రమైన సమస్యగా అనుమానించి ఎంఆర్ఐ, సీటీ స్కాన్ లాంటి పరీక్షలు చేశారు. దాంతో అప్పుడు ఆ బాబుకు శ్వాసనాళంలో ఒక పెద్ద తిత్తి ఏర్పడిందని తెలిసింది.
రెండో అభిప్రాయంతో పాటు మెరుగైన చికిత్స కోసం బాబును మా దగ్గరికి తీసుకవచ్చారు. ఆ బాబును క్షుణ్ణంగా పరీక్షించాం. అనంతరం రేడియాలజిస్టు ఆ బాబుకు తీసిన ఎంఆర్ఐ, సీటీ స్కాన్లను మరోసారి విశ్లేషించి, ఎడమవైపు ఊపిరితిత్తుల పైభాగంలో ఒక తిత్తి ఉందని తేల్చారు. దాని పరిమాణం 4.5×4.3×3.2 సెంటీమీటర్లు అని తేల్చారు. ఇది శ్వాసనాళానికి అడ్డం పడుతుండడంతో బాబుకు ఊపిరి అందకపోవడం, దగ్గు లాంటి సమస్యలు వస్తున్నాయని చెప్పారు.
బాబుకు జనరల్ ఎనస్థీషియా కింద శస్త్రచికిత్స చేసి, ఆ తిత్తిని తొలగించారు. తొలగించిన తర్వాత దాని పరిమాణం మరింత పెద్దగా, అంటే 6x4x4 సెంటీమీటర్లుగా తేలింది. అది ఎడమవైపు ప్రధాన శ్వాసనాళం నుంచి రావడమే ఇన్ని సమస్యలకు కారణమైంది. ఇలాంటి వాటిని తొలగించిడానికి సంప్రాదాయ పద్దతిలో ఓపెన్ సర్జరీ చేసి తొలగిస్తారు. అయితే మేము బాబు వయసు దృష్టిలో ఉంచుకొని ఓపెన్ సర్జరీ చేస్తే వచ్చే సవాళ్లు ఇబ్బందిగా ఉంటాయని, థొరాకోస్కోపీ ద్వారా చిన్న రంధ్రంతో తొలగించాం. ఇలాంటి పద్దతిలో చికిత్స చేయడం హైదరాబాద్ లో మెదటిసారి కావాడం విశేషం.
శస్త్రచికిత్స అనంతరం బాబును పీఐసీయూలో ఉంచి ఆక్సిజన్, ఐవీ ఫ్లూయిడ్లు, యాంటీబయాటిక్స్ ఇచ్చి కోలుకునేలా చేశారు. నాలుగు రోజుల అనంతరం బాబు పూర్తిగా కోలుకున్నాడు. అతడి ఆక్సిజన్ శాచ్యురేషన్ 98% ఉండడంతో డిశ్చార్జి చేశారు.
డాక్టర్ సతీష్ ఘంటా మాట్లాడుతూ, “శిశువు చిన్న వయస్సు మరియు కణితి పరిమాణం మరియు స్థానం కారణంగా ఈ కేసు ఒక ప్రత్యేకమైన సవాలును అందించింది. ఓపెన్ సర్జరీ చేయడం చాలా ఎక్కువ ప్రమాదం, ఇది గణనీయమైన అనారోగ్యానికి దారితీస్తుంది. థొరాకోస్కోపీని ఎంచుకోవడం ద్వారా, బాబు శరీరానికి కనీస గాయంతో కణితిని విజయవంతంగా తొలగించగలిగాము. ఇది మా ప్రాంతంలో పిల్లల శస్త్రచికిత్సకు ఒక గొప్ప ముందడుగు మరియు మా చిన్న రోగులకు ప్రపంచ స్థాయి, వినూత్న సంరక్షణను అందించడంలో మా నిబద్ధతను ప్రదర్శిస్తుంది.” అని అన్నారు.
ఈ విజయవంతమైన శస్త్రచికిత్స శిశువు ప్రాణాలను కాపాడటమే కాకుండా హైదరాబాద్లో అధునాతన పీడియాట్రిక్ సర్జికల్ కేర్కు కొత్త ప్రమాణాన్ని నెలకొల్పింది, లిటిల్ స్టార్స్ & షీ, ఉమెన్స్ & చిల్డ్రన్స్ హాస్పిటల్లోని వైద్య నిపుణుల నైపుణ్యం మరియు సామర్థ్యాలను హైలైట్ చేస్తుంది.