‘నాకు న్యాయం జరుగలేదు.. నేను నక్సలైట్‌నవుతా’
ఆంధ్రప్రదేశ్‌ రాష్ట్రంలోని తూర్పు గోదావరి జిల్లాకు చెందిన ఓ దళిత యువకుడు తనకు న్యాయం జరుగలేదని, నక్సల్స్‌లో చేరడానికి అనుమతి కావాలని రాష్ట్రపతికి లేఖ రాశాడు. వేదుల్లాపల్లె గ్రామానికి చెందిన వరప్రసాద్ అనే దళిత యువకుడు వైసీపీ నాయకుడికి వ్యతిరేకంగా ముని కూడలి ప్రాంతంలో ఇసుక లారీలను ఆపడానికి ప్రయత్నించాడు. ఈ విషయమై విచారణ నెపంతో పోలీసులు అతడిని జూలై 20న సీతానగరం పోలీస్‌స్టేషన్‌కు పిలిచారు. ఆ తరువాత పోలీసులు తీవ్రంగా కొట్టి, శీరోముండనం చేసి టార్చర్‌ పెట్టినట్లు వరప్రసాద్ పేర్కొన్నాడు. ఈ సంఘటనపై డీఐజీ దర్యాప్తు జరిపి ఎస్‌ఐ, ఇద్దరు కానిస్టేబుళ్లను సస్పెండ్ చేసి, ఎస్సీ, ఎస్టీ చట్టం కింద కేసు నమోదు చేశారు. ముఖ్యమంత్రి వైయస్ జగన్మోహన్ రెడ్డి కూడా కేసు వివరాలను తెలుసుకొని బాధ్యులపై కఠిన చర్యలు తీసుకోవాలని జూలై 22న అధికారులను ఆదేశించారు.
అయినప్పటికీ యువకుడు తనకు న్యాయం జరుగలేదని చెప్పడంతో ఈ విషయమై ఏలూరు రేంజ్ డిప్యూటీ ఇన్స్‌పెక్టర్‌ జనరల్‌ (డీఐజీ) మంగళవారం విలేకరుల సమావేశం ఏర్పాటు చేసి దళిత యువకుడు వరప్రసాద్ కేసులో తీసుకున్న అన్ని చర్యలను వివరించారు. డీఐజీ మాట్లాడుతూ తనకు న్యాయం జరుగలేదని ఆరోపిస్తూ యువకుడు నక్సల్స్‌లో చేరడానికి రాష్ట్రపతి అనుమతి కోరడం దురదృష్టకరమన్నారు. వరప్రసాద్ కేసులో సీతానగరం ఎస్‌ఐ, ఇద్దరు కానిస్టేబుళ్లను ఇప్పటికే అరెస్టు చేసి రిమాండ్‌కు పంపి, వారిపై ఎస్సీ, ఎస్టీ అట్రాసిటీ కేసు నమోదు చేసినట్లు పేర్కొన్నారు. వాడా ప్రసాద్‌కు భద్రత కల్పించి, అతడి గ్రామంలో పోలీస్‌ పికెట్‌ ఏర్పాటు చేసినట్లు తెలిపారు. ఇంత చేసినా యువకుడు మావోయిస్టుల్లో చేరడానికి అనుమతి కోరుతూ రాష్ట్రపతికి లేఖ రాయడం దురదృష్టకరమని డీఐజీ అన్నారు.