ప‌వ‌న్ కోసం భారీ సెట్ చూస్తే షాకే మ‌రి

పవర్‌స్టార్ ప‌వ‌న్‌క‌ళ్యాణ్ హీరోగా రీ ఎంట్రీ తర్వాత వ‌రుస సినిమాల‌కు గ్రీన్ సిగ్న‌ల్ ఇచ్చిన సంగ‌తి తెలిసిందే. ఈ లిస్టులో ప‌వ‌న్ 28 .. మైత్రీ మూవీ మేకర్స్ బ్యానర్‌పై హ‌రీశ్ శంక‌ర్ ద‌ర్శ‌క‌త్వంలో రూపొందాల్సి ఉంది. ఈ మూవీకి సంబంధించిన స్క్రిప్ట్‌, ప్రీ ప్రొడ‌క్ష‌న్ ప‌నులు జ‌రుగుతున్నాయి. లేటెస్ట్‌గా ఈ చిత్రం కోసం భారీ కాలేజ్ సెట్‌ను వేయ‌బోతున్నారంటూ వార్త‌లు నెట్టింట హల్‌చ‌ల్ చేస్తున్నాయి. ప‌వ‌న్ స్నేహితుడు, ఆర్ట్ డైరెక్ట‌ర్ ఆనంద సాయి నేతృత్వంలోనే ఈ కాలేజ్ సెట్ రూపొంద‌నుంద‌నేది స‌మాచారం. అలాగే ఈ సినిమాలో ప‌వ‌న్ డ్యూయెల్ రోల్‌లో క‌నిపించ‌నున్నార‌ని, అందులో ఐబీ ఆఫీస‌ర్‌గా.. లెక్చ‌ర‌ర్‌గా క‌నిపిస్తార‌ని అంటున్నారు. గ‌బ్బ‌ర్ సింగ్ త‌ర్వాత ప‌వ‌న్‌క‌ళ్యాణ్‌, హ‌రీశ్ శంక‌ర్ కాంబోలో రానున్న చిత్రం కావ‌డంతో సినిమాపై భారీ అంచ‌నాలు నెల‌కొన్నాయి.