మోహ‌న్‌బాబు ఇంటికి రజనీకాంత్ అందుకోస‌మే వెళ్లారా ?
ప్రముఖ న‌టుడు రజనీకాంత్, హీరో మోహ‌న్ బాబు ఇంటికి వెళ్లడం ఇప్పుడు చ‌ర్చ‌నీయాంశంగా మారింది. ఈ సూప‌ర్ స్టార్ రజనీకాంత్ గ‌త కొద్ది రోజులుగా అన్నాత్తె సినిమా కోసం హైదరాబాద్లో ఉన్న సంగ‌తి తెలిసిందే. గ‌త ఏడాది డిసెంబ‌ర్‌లో అనారోగ్యానికి గురి కావ‌డం వ‌ల‌న షూటింగ్ వాయిదా ప‌డ‌గా, ఇప్పుడు అది పూర్తి చేశారు. దాదాపు 35 రోజుల పాటు నాన్ స్టాప్ షెడ్యూల్ తో త‌న పార్ట్ చిత్రీక‌ర‌ణ‌ను కంప్లీట్ చేశారు. షూటింగ్ పూర్త‌య్యాక రజనీకాంత్ త‌న స్నేహితుడు మోహ‌న్ బాబు ఇంటికి వెళ్లి కొద్ది సేపు గ‌డిపారు.
మోహ‌న్ బాబు ఇంటికి వెళ్లిన స‌మ‌యంలో ర‌జ‌నీకాంత్‌తో సెల్ఫీ దిగింది మంచు ల‌క్ష్మీ. వాటిని త‌న సోష‌ల్ మీడియాలో షేర్ చేసింది. ఇవి ప్ర‌స్తుతం వైర‌ల్‌గా మారాయి. కాగా, మోహ‌న్ బాబు ఇంటి నుండి డైరెక్ట్‌గా బేగంపేట ఎయిర్‌పోర్ట్‌కు వెళ్లిన రజనీకాంత్ ప్ర‌త్యేక విమానంలో చెన్నై వెళ్లారు. ఇంటికి చేరుకోగానే రజనీకాంత్ కు ఆయ‌న స‌తీమ‌ణి ల‌తా హార‌తి ఇచ్చి ఆహ్వానించారు. అన్నాత్తె చిత్రాన్ని సిరుతై శివ దర్శకత్వం తెర‌కెక్కిస్తుండ‌గా, సన్ పిక్చర్స్ బ్యానర్ పై కళానిధి మారన్ ఈ చిత్రాన్ని నిర్మిస్తున్నారు. ఈ సినిమాలో జగపతిబాబు, ప్రకాశ్ రాజ్, నయనతార, మీనా, ఖుష్బూ, కీర్తి సురేశ్ కీలక పాత్రలను పోషిస్తున్నారు.