హీరోయిన్ ఆ పొడువు చూసి షాక్ అయిన హీరో ప్రభాస్
తెలుగు సినీ పరిశ్రమలో ఇప్పటి వరకు ఇలాంటి ట్రైలర్ లాంచ్‌ను చూసుండరు ప్రేక్షకులు. ‘జాతిరత్నాలు’ టీమ్ అంత కొత్తగా ప్లాన్ చేసింది. ట్రైలర్ లాంచింగ్‌లోనూ ప్రత్యేకత చూపించింది. ముఖ్యంగా హీరో నవీన్ పోలిశెట్టి ఎనర్జీ, కామెడీ టైమింగ్ అద్భుతం. సినిమాలోనే కాదు.. ట్రైలర్ లాంచ్ కోసం ముంబై వెళ్తూ తమ జర్నీతో తీసిన వీడియోలోనూ బాగా నవ్వించారు. ప్రస్తుతం ముంబైలో ఉంటున్న ప్రభాస్ వద్దకు ‘జాతిరత్నాలు’ ట్రైలర్ లాంచ్ చేయించడానికి వెళ్తూ ‘జోగిపేట టు ముంబై’ అనే వీడియోను రూపొందించారు.
నవీన్ పోలిశెట్టి సొంతూరు జోగిపేట. అందుకే ‘జోగిపేట టు ముంబై’ అని ఫన్నీగా ఈ వీడియోను క్రియేట్ చేశారు. హీరో హీరో‌యిన్లు నవీన్ పోలిశెట్టి, ఫరియా అబ్దుల్లా, క‌మెడియ‌న్ ప్రియ‌ద‌ర్శి, డైరెక్టర్ అనుదీప్ ముంబైలో ప్రభాస్ నివాసానికి వెళ్లి ఆయ‌న చేతుల మీదుగా ట్రైల‌ర్‌ను రిలీజ్ చేయించ‌డం విశేషం. తామెలా ప్రభాస్‌ను క‌లుసుకున్నామో వినోదాత్మకంగా వీడియోలో చూపించింది చిత్ర బృందం. ఈ వీడియోలో నవీన్ పోలిశెట్టి కామెడీకి ప్రభాస్ కూడా నవ్వాపుకోలేకపోయారు.
త‌న ఇంట్లో ఒక న‌వారు మంచంపై కూర్చొని ‘జాతిరత్నాలు’ ట్రైల‌ర్‌ను ప్రభాస్ ఆవిష్కరించారు. హీరోయిన్ ఫరియా అబ్దుల్లాను ప్రభాస్‌కు పరిచయం చేసిన నవీన్.. ఆమె హైట్ చూడాలని ప్రభాస్‌ను కూడా నిల్చోబెట్టారు. నిలబడి ఆమెను చూసిన ప్రభాస్.. ‘‘ఈవిడేంటి ఇంత పొడవుంది. షూస్, హీల్స్ ఏం వేసుకోలేదు కదా’’ అని ఆశ్చర్యంగా అడిగారు. తాను హీల్స్ వేసుకోలేదని ఫరియా వెల్లడించారు. దీంతో అక్కడ నవ్వులు పువ్వులు పూశాయి.
ఇక ట్రైలర్ అద్భుతంగా ఉందని ప్రభాస్ అన్నారు. గతంలో టీజర్ చూసినప్పుడు ఓకే అనిపించిందని.. కానీ, ట్రైలర్ మాత్ర చాలా బాగుందని చెప్పారు. ట్రైలర్ చూసి ప‌దిసార్లు న‌వ్వానంటే, సినిమా ఇంకెంత‌సేపు న‌వ్విస్తుందో ఊహించుకోవాల్సిందేనన్నారు. కోవిడ్ త‌ర్వాత ఫ్యామిలీ అంతా వెళ్లి హాయిగా న‌వ్వుకొంటూ ఎంజాయ్ చేసే సినిమా ఇదని తాను అనుకుంటున్నట్టు ప్రభాస్ వెల్లడించారు. డైరెక్టర్ అనుదీప్‌కు, యాక్టర్స్‌కు, ప్రొడ్యూస‌ర్ నాగ్ అశ్విన్‌కు, యూనిట్‌ మొత్తానికి ప్రభాస్ శుభాకాంక్షలు తెలిపారు.