శాలిపేట్ లో ఘనంగా మార్కండేయ జయంతి ఉత్సవాలు

పద్మశాలి కుల దైవం మార్కండేయ జయంతి ఉత్సవాలు ఘనంగా నిర్వహించారు శాలిపేట్ గ్రామం పద్మశాలి కులస్తులు. గ్రామంలోని కూడలివద్ద యువజన నాయకుడు గుండు రాజు ఆధ్వర్యంలో ఏర్పాటు చేసిన ఈ కార్యక్రమంలో గ్రామంలోని పద్మశాలీలు పాల్గొన్నారు. ఈ సందర్భంగా గుండు రాజు మాట్లాడుతూ ప్రజల మానాన్ని కాపాడేందుకు బట్టలు నేసి ప్రపంచానికి అందించిన ఘనత పద్మశాలి కులస్తులకు దక్కిందన్నారు. రాజకీయంగా వెనకబడిన మనం కలసి కట్టుగా ఉంటేనే ముందుకు వెళ్తామన్నారు. రాబోయే రోజుల్లో కలిసి ముందుకు సాగాలని ప్రతిజ్ఞ చేశారు. ఈ కార్యక్రమంలో గుండు కిషన్, అంబాదాస్, గుండు ఆంజనేయులు, డాక్టర్ దశరథం, శ్యాములు, నవీన్, పాండు, శ్రీనివాస్, అరవింద్, దుర్గపతి తదితరులు పాల్గొన్నారు.