రాముడి సేవ‌లో ధ‌రిప‌ల్లి గ్రామ‌స్థులు

ఆయోధ్య‌లో నిర్మించ‌నున్న రామ‌మందిరానికి త‌మ వంతు సాయం చేస్తామ‌ని ముందుకొచ్చారు మెద‌క్ జిల్లా ధ‌రిపల్లి గ్రామ‌స్థులు. ఈ మేర‌కు గ్రామంలోని యువ‌త నిధి సేక‌ర‌ణ కోసం ప్ర‌త్యేక క‌మిటీ ఏర్పాటు చేసింది. సురేష్‌, అవుడం మ‌హేష్‌, గోద‌ల శ్రీనివాస్ రెడ్డి, స్వామి, కృష్ణ త‌దిత‌రులు గ‌త రెండు రోజుల‌గా గ్రామంలో ప్ర‌తి ఇంటికి చేరి రామ మందిర నిర్మాణం చ‌రిత్ర‌ను, రాముడి యొక్క గొప్ప‌త‌నాన్ని వివ‌రిస్తున్నారు. మందిరం నిర్మాణం పూర్త‌యిన త‌ర్వాత అవ‌కాశాల‌ను బ‌ట్టి ప్ర‌తి ఒక్క‌రూ ఆయోధ్య‌లోని రాముడి ద‌ర్శ‌నం చేసుకోవాల‌ని కోరారు.  ఈ కార్య‌క్ర‌మాన్ని మ‌రింత ఉత్తేజ ప‌ర‌చ‌డానికి ఇటీవ‌ల గ్రామంలో ర్యాలీ నిర్వహించారు. నిధి సేక‌ర‌ణకు త‌మ వంతు మ‌ద్ద‌తు ఉంటుందని గ్రామ స‌ర్పంచ్ నాగుల‌ప‌ల్లి సిద్దిరాంరెడ్డి తెలిపారు.