వివేకానందాను ఆద‌ర్శంగా తీసుకోవాలి : ప్రవీణ్కుమార్
డెక్క‌న్ న్యూస్ : దేశంలోమార్పు రావాలంటే అది ఒక్క యువ‌త‌తోనే సాధ్య‌మ‌వుతుంద‌న్నారు మెద‌క్ జిల్లా యువ‌జ‌న సంఘాల నాయ‌కుడు ప్రవీణ్కుమార్. స్వామి వివేకానందా జ‌యంతి, జాతీయ యువ‌జ‌న దినోత్స‌వాన్ని పుర‌స్కరించుకొని ధ‌రిప‌ల్లి గ్రామంలోని వివేకానందా స్వామి విగ్ర‌హానికి పూల‌మాల వేసి ఆయ‌న చెప్పిన మాట‌ల‌ను గుర్తు చేశారు. యువ‌త చెడుతోవ‌లో వెళ్ల‌కుండా ప్ర‌తి ఒక్క‌రూ బాధ్య‌తతో ఉండాల‌ని సూచించారు. మ‌న దేశ ప్ర‌గ‌తిని ప్రపంచ వ్యాప్తంగా చాటిన స్వామి వివేకానందా వెల్ల‌డించిన ప్ర‌తి విష‌యాన్ని క్షుణంగా ప‌రిశీలించాల‌న్నారు. ఆయ‌న చెప్పిన ప్ర‌తి మాట‌లో ఎంతో ముందు చూపు ఉంద‌న్నారు. ఈ కార్య‌క్ర‌మంలో ధ‌రిప‌ల్లి స‌ర్పంచ్ నాగుప‌ల్లి సిద్దిరాంరెడ్డి, మెద‌క్ జిల్లా తెజ‌స యువ‌జ‌న విభాగం అధ్య‌క్షుడు రాజ‌శేఖ‌ర్‌రెడ్డి త‌దిత‌రులు పాల్గొన్నారు.