కోవిడ్ టీకా 295 మాత్ర‌మే
డెక్క‌న్ న్యూస్ : ఎప్పుడెప్పుడా అని ఎదురు చూస్తున్న కరోనా టీకా ఎట్టకేలకు వ‌చ్చేసింది. హైదరాబాద్ కేంద్రంగా తయారైన కరోనా టీకా కోవాగ్జిన్ ధరను రూ.295గా భారత్ బయోటెక్ కంపెనీ నిర్ణయించింది. తొలుత వ్యాక్సిన్ ధర ఎక్కువగా ఉండొచ్చనే ఊహగానాలకు ఎట్టకేలకు యాజమాన్యం ఫుల్‌స్టాప్ పెట్టింది.అయితే జనవరి 14లోపు 55 లక్షల డోసులను సరఫరా చేయాలని కేంద్రం భారత్ బయోటెక్ సంస్థను కోరింది. మొదటి దశలో 38.5 లక్షల డోసులు, రెండో దశలో 16.5 లక్షల డోసులను డెలివరీ చేయాల్సిందిగా పేర్కొంది. ఇదిలాఉండగా, 16.5 లక్షల డోసులను ఉచితంగా అందించునున్నట్లు భారత్ బయోటెక్ సంస్థ తాజాగా ప్రకటించింది.