సీఎంకు భ‌యం ప‌ట్టుకుంది: జ‌య‌సార‌ధి
ఎమ్మెల్సీ ఎన్నిక‌లు వ‌చ్చాయి కాబ‌ట్టే సీఎం కేసీఆర్‌కు ఉద్యోగాల భ‌ర్తీ గుర్తుకు వ‌చ్చింద‌ని అని విమ‌ర్శించారు వ‌రంగ‌ల్‌, ఖ‌మ్మం, న‌ల్గొండ ఉమ్మ‌డి జిల్లాల ఎమ్మెల్సీ అభ్య‌ర్థి జ‌య‌సార‌ధి రెడ్డి. గ‌త ఆరేళ్లుగా ప‌రిపాల‌నా చేయ‌కుండా, ప్ర‌జ‌ల క‌ష్టాల‌ను ప‌ట్టించుకోకుండా ఇప్పుడు హ‌డ‌వుడి చేయ‌డం ఏంట‌ని ప్ర‌శ్నించారు. తెరాస అధికారంలోకి వ‌చ్చిన త‌రువాత ఇప్పుడు నిరుద్యోగుల గురించి ఆలోచిస్తారా అని మండిప‌డ్డారు. ప‌ట్ట‌భ‌ద్రుల ఎమ్మెల్సీ ఎన్నిక‌ల్లో… చ‌ద‌వుకున్న యువ‌త ఎక్క‌డ వారిని విస్మ‌రిస్తారో అని భ‌య‌ప‌డుతున్నార‌ని వ్యాఖ్యానించారు. అంతేకానీ నిరుద్యోగుల మీద ఎటువంటి ప్రేమ లేద‌న్నారు. యువ‌త రాజ‌కీయ మార్పు కోరుకుంటుద‌ని… ప‌ట్ట‌భ‌ద్రుల ఎమ్మెల్సీ ఎన్నిక‌ల్లో ప్ర‌భుత్వ వ్య‌తిరేకంగా ఓట్లు ప‌డుతాయ‌ని జోస్యం చెప్పారు.