అనాధాలకు అండగా… విశ్వమానవవేదిక

వేడంగి, వేడంగిపాలెం, కుమ్మరిపాలెం గ్రామాల్లో విశ్వమానవవేదిక నిత్యాన్నదానం ప్రారంభం

పోడూరు మండలం వేడంగి, వేడంగి పాలెం, కుమ్మరిపాలెం గ్రామాల్లో ఆదరణలేక, శరీరాలు సహకరించక, దుర్భర స్థితిలో ఉన్న వృద్ధులు, వికలాంగులు ఉన్న చోటకే భోజనం అందించే నిత్యాన్నదానం కార్యక్రమాన్ని డిసెంబర్ 6వ తేదిన ఆదివారం ప్రారంభించాం.

విశ్వమానవవేదిక ఉపాధ్యక్షుడుగా పనిచేసి, గోదావరి పడవబోల్తా ఘటనలో ప్రాణాలు కోల్పోయిన ధనుష్ వలవల కుమార్తె సాధ్వీ భోజనాల పంపిణీ కార్యక్రమాన్ని విశ్వమానవవేదిక సభ్యుల సమక్షంలో ప్రారంభించింది. తన తండ్రిలాగే సాధ్వీ కూడా సేవా కార్యక్రమాల్లో భాగస్వామ్యం కావడం చాలా ఆనందదాయకం.

2015 సంవత్సరం నవంబర్ 17వ తేదిన పాలకొల్లు ప్రాంతంలో ప్రారంభించిన విశ్వమానవవేదిక నిత్యాన్నదానం ఎంతోమంది అభాగ్యుల ఆకలి తీరుస్తుందన్నారు. 1846 రోజులగా ఆదరణలేని వృద్ధులు ఇళ్లకే భోజనాలు అందిస్తున్న ఈ కార్యక్రమాన్ని పోడూరు మండలం వేడంగి, వేడంగిపాలెం, కుమ్మరిపాలెం గ్రామాలకు విస్తరించడం సంతోషదాయకయం.

అనేక ఒడిదుడుకులు, ప్రతికూల వాతావరణ పరిస్థితులు తట్టుకుని అకుంఠిత దీక్షతో అభాగ్యుల ఆకలి తీర్చేందుకు నిత్యాన్నదానాన్ని ముందుకు నడిపిస్తున్న టీమ్ లీడర్ విశ్వ మానవ వేదిక శ్యామ్ అభినందనలు.

వేడంగి, వేడంగిపాలెం, కుమ్మరిపాలెం గ్రామాల పరిధిలో ఆకలితో భోజనం లేక అల్లాడుతున్నవారు ఎవరైనా ఉంటే 9652256999, 9441447084, 08814226399 ఫోన్ నంబర్లకి తెలియజేయగలరు.

• మల్లుల సురేష్, విశ్వమానవవేదిక అధ్యక్షుడు