తెరాస స‌ర్కార్‌ని 2 నెల‌ల్లో ప‌డ‌గొడుతాం : ఎంఐఎం

ఎంఐఎం పార్టీ త‌మ‌కు మిత్ర ప‌క్షం అని చెప్పుకొంటుంది తెరాస పార్టీ. అయితే తెరాస నేత‌ల‌ను దిమ్మ‌దిరిగేలా వ్యాఖ్య‌లు చేస్తున్నారు ఎంఐఎం నేత‌లు. ఓ మ‌జ్లిస్ ఎమ్మెల్యే తాము తలచుకుంటే కేసీఆర్ ప్రభుత్వాన్ని రెండే రెండు నెలల్లో కూల్చి వేస్తామని సంచ‌ల‌న వ్యాఖ్య‌లు చేశారు.
యాకుత్‌పుర నియోజకవర్గానికి చెందిన ఎంఐఎం ఎమ్మెల్యే ముంతాజ్ ఖాన్ ఈ సంచలన వ్యాఖ్యలు చేయడం ప్రాధాన్యం సంతరించుకుంది. కేటీఆర్‌ను చిలకతో పోలుస్తూ విపరీతమైన సెటైర్లు వేశారు. కేటీఆర్ చిలక నిన్న మొన్న రాజకీయాల్లో కళ్లు తెరిచాడని ఆయన తీవ్ర స్థాయిలో విమర్శలు చేయడం కలకలం రేపుతోంది. మజ్లిస్ పార్టీ ఇలాంటి వారిని చాలా మందిని చూసిందని ఆయన అన్నారు.