దుబ్బాక భాజపాదే

దుబ్బాక ఉప ఎన్నికలో భాజపా అభ్యర్థి రఘునందన్‌రావు గెలుపొందారు. 1470 ఓట్ల మెజారిటీతో ఆయన విజయం సాధించారు.

తెలంగాణ వ్యాప్తంగా తీవ్ర ఉత్కంఠ రేపిన దుబ్బాక ఉప ఎన్నికలో భాజపా జయకేతనం ఎగురవేసింది. ఆ పార్టీ అభ్యర్థి మాధవనేని రఘునందన్‌రావు తన సమీప ప్రత్యర్థి తెరాసకు చెందిన సోలిపేట సుజాతపై విజయదుందుభి మోగించారు. ఓట్ల లెక్కింపులో తొలి రౌండ్‌ నుంచీ ఆధిక్యం ప్రదర్శించిన కాషాయ పార్టీ మధ్యలో కాస్త తడబడినప్పటికీ చివరిలో పుంజుకుని అంతిమంగా విజయాన్ని ముద్దాడింది. దీంతో తెలంగాణ వ్యాప్తంగా భాజపా శ్రేణులు సంబరాల్లో మునిగి తేలాయి.