భాజ‌పాలో చేరిన సింగంగా పేరొందిన మాజీ ఐపీఎస్‌
మాజీ ఐపీఎస్‌ అధికారి అన్నామలై కుప్పుస్వామి భారతీయ జనతా పార్టీ(బీజేపీ)లో చేరారు. ఢిల్లీలోని బీజేపీ ప్రధాన కార్యాలయంలో బీజేపీ జాతీయ ప్రధానకార్యదర్శి పీ మురళీధర్‌ రావు, తమిళనాడు బీజేపీ అధ్యక్షుడు ఎల్‌ మురుగన్‌ సమక్షంలో పార్టీలో చేరారు. కర్ణాటకలో ’సింగం’గా పేరొందిన బెంగళూరు మాజీ సౌత్‌ డీసీపీ అన్నామలై ఇండియన్‌ పోలీస్‌ సర్వీస్‌కు గతేడాది రాజీనామా చేశారు. 2011 బ్యాచ్‌ యువ ఐపీఎస్‌ అధికారి అన్నామలై తమిళనాడులోని కరూర్‌ ప్రాంతానికి చెందినవారు. 2013లో కార్కళ ఏఎస్పీగా సివిల్‌ సర్వీస్‌ కెరీర్‌ ప్రారంభించారు.