బిగ్ బాస్ – 4లో వీళ్లేనా ?

కరోనా వైరస్ సంక్షోభ సమయంలో వినోదానికి దూరంగా వున్నా తెలుగు టెలివిజన్ ప్రేక్షకులకు బిగ్ బాస్ సీజన్ 4 పెద్ద ఊరటను ఇవ్వనుంది. ఇప్పటికె మూడు సీజన్లతో తెలుగు ప్రేక్షకులకు భారీ వినోదాన్ని పంచిన ఈ రియాలిటీ షో మరొకసారి భారీ వినోదాన్ని పంచడానికి రెడీ అవుతుంది. ఐతే ఈ షోకి కూడా అక్కినేని నాగార్జున వాఖ్యాతగా ఉండబోతున్నారు. ఇప్పటికే షో కి కావలసిన బిగ్ బాస్ హౌస్ సెట్ రెడీ అయినట్టు సమాచారం. ఐతే ఈ షోలో పాల్గొనే కంటెస్టెంట్స్ కి సంబంధించిన వార్తలు సోషల్ మీడియాలో చాలా వస్తున్నాయి. అందరు ఎప్పుడా ఎప్పుడా అని ఆతృతగా ఎదురు చూస్తున్న బిగ్ బాస్ తెలుగు సీజన్లో 4 ఈ ఆగష్టు నెలలో ప్రారంభం అయ్యే అవకాశాలు కనిపిస్తున్నాయి. మరి ఈ సారి షో లో కనిపించబోయే సెలెబ్రెటీస్ ఎవరో చుద్దాం.
ప్రముఖ న్యూస్ ఛానల్ లో వెరైటీ వార్తలతో తెలుగు వార్త ప్రేక్షకులను అలరించడమే కాకుండా తెలంగాణ జానపద గేయలతో ఎంతో మంది అభిమానులను సంపాదించిన జానపద గేయకురాలు “మంగ్లీ” మరి ఈ సారి బిగ్ బాస్ షోలో పాల్గొనబోతుంది. తెలుగు సినిమా రంగంలో సుప్రసిద్ధ సంగీత గాయకురాలు “సునీత”, తన మెరిసే అందాలతో తెలుగు సినీ ప్రేక్షకులను ఆకట్టుకున్న ప్రముఖ నటి “హంస నందిని” బిగ్ బాస్ హౌస్ లో అలరించనున్నారు. “వైవా” అనే షార్ట్ ఫిలింతో యూట్యూబ్ స్టార్ గా పేరు సంపాదించి సినిమా రంగంలోనూ దూసుకెళ్తున్నా “వైవా హర్ష” ఈ సరి హౌస్ లో అలరించనున్నాడు.
సినీ గేయకుడుగా సుపరిచితుడు “నందు” బిగ్ బాస్ హౌస్ లో వుండే అవకాశాలు లేకపోలేదు, బిగ్ బాస్ సీజన్ త్రీలో నందు భార్య అయినా గీత మాధురి పాల్గొన్నారు. తెలుగు తమిళ మరియు కన్నడ సినిమాల్లో పలు సినిమాలో నటించిన “పూనమ్ బజ్వా” ,బుల్లి తెర నటుడు “అఖిల్ సార్థక్”, లైఫ్ ఈజ్ బ్యూటిఫుల్ తో తెలుగు సినిమాకు పరిచయం అయినా “అభిజిత్”, ఎన్నో తెలుగు సినిమాలో నటించిన తెలుగు సీనియర్ నటి “అపూర్వ”, టిక్ టాక్ వీడియోలతో చిన్న వీడియోల ప్రపంచం లో మిలియన్ ఫాలోయర్స్ ని సంపాదించినా టిక్ టాక్ స్టార్ “మెహబూబ్”, ఈ టీవీ జబర్దస్త్ కామెడీ షోలో అలరించిన “నరేష్” తెలుగు సినిమా కోరియోగ్రాఫర్ “రఘు మాస్టర్”, హుషారు మూవీతో సినిమా ప్రపంచానికి పరిచయం అయినా “ఉండిపోరాదే” సాంగ్ ఫేమ్ “ప్రియా వడ్లమని”
హుషారు మూవీతో పరిచయం అయి కమిట్మెంట్ మూవీతో రాబోతున్న “రమ్య పసుపులేటి” యూట్యూబ్ లో మహాతల్లి గా అవతరమెత్తి పలు షార్ట్ ఫిలిమ్స్ తో పేరు ప్రఖ్యాతలు సంపాదించినా మహాతల్లి స్టార్ “జాహ్నవి దాశెట్టి” మరియు సంచలన దర్శకుడు ఆర్జివి సినిమా “నేకేడ్” మొదటి సినిమాగా పాపులారిటీ కొట్టేసిన సెన్షనల్ యాక్ట్రెస్ శ్రీ రాపాక ఈ సారి బిగ్ బాస్ సీజన్ నాలుగు లో అలరించనున్నారు.
ఐతే సోషల్ మీడియా వైరల్ అవుతున్న బిగ్ బాస్ తెలుగు సీజన్ 4 లో పాల్గొనే కంటెస్టెంట్స్ లిస్ట్ ఇంకా అధికారకంగా ప్రకటించబడలేదు. అయినప్పటికీ ఈ సారి బిగ్ హౌస్ పాల్గొనబోయే సెలెబ్రెటీస్ గురించి తెలుగు బుల్లి తెర ప్రేక్షకులు ఆతృతగా ఎదురుచూస్తున్నా ఈ తరుణం లో సోషల్ మీడియాలో తిరుగున్న ఈ లిస్ట్ ఆతృతను కలిగిస్తుంది.