బుడ్డోడి ఆస్తులు 250 కోట్లకు పైగా
ఈ ఆఫ్రికన్ బుడ్డోడిని ఎక్కడో చూసినట్టు అనిపిస్తోంది కదా. సోషల్ మీడియాలో పాపులర్ ఫిగర్. వింత హావభావాల కోసం ఇతని మెమీజ్(memes) ను విస్తృతంగా వాడుతున్నారు. మన దగ్గరే కాదు. ప్రపంచమంతటా.
షాకింగ్ న్యూస్ ఏమిటింటే ఇతను టీనేజి కుర్రాడు కాదు. 38 ఏళ్ల వయసున్న నడివయస్కుడు. నైజీరియన్ మూవీ సెలెబ్రిటీ. పేరు ఓసిటా ఐహీమ్(Osita Iheme). 2003లో నటనా రంగంలోకి ఎంటరై సినిమాలు, టీవీ షోల్లో బిజీ బిజీగా ఉన్నాడు. జన్యులోపం కారణంగా పుట్టుకతోనే వింత వ్యాధిబారిన పడ్డాడు. అదే ఐహీమ్ కు కాసుల వర్షం కురిపిస్తోంది. పన్నెండేళ్ల దగ్గర వయసు ఆగిపోయిన వాడిలా ఇప్పటికీ అలాగే కనిపిస్తాడు. మరుగుజ్జే అయినా పసి ఛాయలు పోలేదు. ఐహీమ్ అంటే మన హాస్య నటుడు, సోషల్ మీడియా దేవుడు బ్రహ్మనందం లాగా ఆఫ్రికన్లంతా పడిచస్తారు. ఆయన సినిమాలు, షోలు అనేక భాషల్లోకి డబ్బింగ్ అయి ప్రపంచవ్యాప్తంగా పాపులారిటీని తెచ్చి పెట్టాయి. పెళ్లి గురించి ఆలోచన లేదనే ఐహీమ్ ఆస్తులు మన కరెన్సీలో 250 కోట్ల పైమాటే. దేశాధ్యక్షుడు, ప్రముఖులు పాల్గొనే కార్యక్రమాలకు నిత్యం ఆహ్వానాలు అందుతుంటాయి.