తక్కువగా ట్రేడ్ అయిన భారత మార్కెట్లు; 0.68% పడిపోయిన నిఫ్టీ, 209.75 పాయింట్లు పతమైన సెన్సెక్స్
అమర్ దేవ్ సింగ్, హెడ్ అడ్వైజరీ, ఏంజెల్ బ్రోకింగ్ లిమిటెడ్
ఐటి, లోహము, ఆటో మరియు బ్యాంకింగ్ రంగాల ద్వారా క్రిందికి లాగబడిన తరువాత భారత సూచీలు నేటి ట్రేడింగ్ సెషన్లో తక్కువగా ట్రేడయ్యాయి.
నిఫ్టీ, 10 వేల మార్కు పైన కొనసాగినప్పటికీ, 0.68% లేదా 70.60 పాయింట్లు తగ్గి 10,312.40 వద్ద ముగిసింది. మరోవైపు ఎస్ అండ్ పి బిఎస్ఇ సెన్సెక్స్ 0.60% లేదా 209.75 పాయింట్ల పతనానికి గురై 34, 961.52 వద్ద ముగిసింది.
సుమారు 1597 షేర్లు క్షీణించాయి, 1135 షేర్లు పెరిగాయి, 136 షేర్లు మారలేదు.
నేటి ట్రేడింగ్ సెషన్లో హెచ్‌డిఎఫ్‌సి బ్యాంక్ (1.80%), హెచ్‌యుఎల్ (1.22%), బ్రిటానియా ఇండస్ట్రీస్ (2.13%), సిప్లా (1.43%), మరియు ఎం అండ్ ఎం (0.74%) నిఫ్టీ లాభాలలో అగ్రస్థానంలో ఉన్నాయి
నిఫ్టీలో నష్టపోయిన వారిలో కోల్ ఇండియా (4.96%), యాక్సిస్ బ్యాంక్ (4.70%), టెక్ మహీంద్రా (3.18%), హిండాల్కో ఇండస్ట్రీస్ (3.14%), ఎస్.బి.ఐ (2.79%) లు ఉన్నాయి.
ఎఫ్‌ఎంసిజి మినహా మిగతా అన్ని రంగాలు తక్కువగా ట్రేడ్ అయ్యాయి. బిఎస్ఇ మిడ్‌క్యాప్ 1.39 శాతం, బిఎస్ఇ స్మాల్‌క్యాప్ 1.23 శాతం తగ్గాయి.
భారత్ ఫోర్జ్
నాలుగో త్రైమాసికంలో కంపెనీ నికర నష్టం 73.3 కోట్లు కాగా, కంపెనీ ఆదాయం 47.2% తగ్గింది. ఫలితంగా, భారత్ ఫోర్జ్ యొక్క స్టాక్స్ 9.99% తగ్గి, రూ. 317,30 ల వద్ద ట్రేడ్ అయ్యాయి.
అశోక్ లేలాండ్
గ్లోబల్ రీసెర్చ్ సంస్థ సిఎల్ఎస్ఎ అశోక్ లేలాండ్ యొక్క “అండర్పెర్ఫార్మ్” రేటింగ్ ను కొనసాగించింది, ఆ తరువాత కంపెనీ షేర్లు 7.34% పడిపోయి రూ. 48.60 ల వద్ద ట్రే అయ్యాయి.
ఆంధ్ర పేపర్ లిమిటెడ్
ఆంధ్ర పేపర్ లిమిటెడ్, రాధాకిషన్ దామని సంస్థలో వాటాను పొందిన తరువాత, దీని స్టాక్స్ 19.99% పెరిగి రూ. 254.85 ల వద్ద ట్రేడ్ అయ్యాయి. రాధాకిషన్ డామనీ యాజమాన్యంలోని బ్రైట్ స్టార్ ఇన్వెస్ట్‌మెంట్స్ కంపెనీలో 1.25 శాతం ఈక్విటీ వాటాను సొంతం చేసుకుంది.
ఐటిసి
ఐటిసి లిమిటెడ్ నాల్గవ త్రైమాసికంలో సంస్థ యొక్క స్వతంత్ర నికర లాభంలో 9.05% వృద్ధిని నమోదు చేసింది, ఆ తర్వాత తక్కువ పన్ను వ్యయం మరియు ఎఫ్.ఎమ్.సి.జి రంగంలో బలమైన నిర్వహణ పనితీరును నమోదు చేసింది. దీని తరువాత, కంపెనీ స్టాక్ 1.23% పెరిగి రూ .197.60 వద్ద ట్రేడయింది.
ఇమామి లిమిటెడ్
కోవిడ్ -19 మహమ్మారి తీవ్రంగా ప్రభావితం చేసిన తరువాత నాల్గవ త్రైమాసికంలో, పన్ను ముందు కంపెనీ లాభం, 70% తగ్గిన తరువాత, ఇమామి లిమిటెడ్ షేర్లు 7.04% తగ్గి రూ. 205.40 ల వద్ద ట్రేడ్ అయ్యాయి.
ఆర్ఐఎల్
రిలయన్స్ ఇండస్ట్రీస్ లిమిటెడ్ స్టాక్స్ 1.09% తగ్గి రూ. 1,722.70 ల వద్ద ట్రేడ్ అయింది. అయినప్పటికీ, స్టాక్స్ పి/ఇ నిష్పత్తి అధికంగా కొనసాగుతూనే ఉంది, భవిష్యత్తులో మంచి వృద్ధి అంచనాల కారణంగా వ్యాపారంలో వృద్ధి లేకపోయినా పెట్టుబడిదారులు స్టాక్ కోసం అధిక ధర చెల్లించడానికి సిద్ధంగా ఉన్నారని సూచిస్తుంది.
భారతీయ రూపాయి
నేటి ట్రేడింగ్ సెషన్లో భారతీయ రూపాయి అధికంగా ముగిసింది, తరువాత జియో-సంబంధిత ప్రవాహాలు స్పాట్ ధరల పెరుగుదలకు మరింత మద్దతు ఇచ్చాయి. భారత రూపాయి యుఎస్ డాలర్‌తో పోలిస్తే రూ. 75.40 మరియు రూ. 75.75 ల మధ్య ట్రేడ్ అయింది.
బలహీనమైన గ్లోబల్ మార్కెట్లు
పెరుగుతున్న కొరోనావైరస్ కేసుల కారణంగా యూరోపియన్ మార్కెట్లు మినహా గ్లోబల్ మార్కెట్లు బలహీనంగా వర్తకం చేశాయి. తమ ఖండంలో త్వరగా ఆర్థిక పునరుద్ధరణ వస్తుందనే ఆశతో యూరోపియన్ మార్కెట్లు అధికంగా వర్తకం చేశాయి.
నాస్‌డాక్ 2.59%, నిక్కీ 225 2.30%, హాంగ్ సెంగ్ 1.01% తగ్గాయి. మరోవైపు, ఎఫ్.టి.ఎస్.ఇ ఎంఐబి మరియు ఎఫ్.టి.ఎస్.ఇ 100 వరుసగా 0.61% మరియు 0.25% పెరిగాయి.