కాంగ్రెస్ సీనియర్ లీడర్ వీహెచ్‌కు కరోనా పాజిటివ్

తెలంగాణలో రాజకీయ నాయకులను కరోనా వైరస్ మహమ్మారి వేధిస్తూనే ఉంది. ఇప్పటికే పలువురు అధికార పార్టీలో పలురువు ఎమ్మెల్యేలు, వారి కుటుంబ సభ్యులకు కరోనా సోకగా.. తాజాగా విపక్షంలోని ఓ సీనియర్ నాయకుడు సైతం కరోనా బారిన పడ్డారు. తెలంగాణ కాంగ్రెస్‌ పార్టీలోని సీనియర్ నేత వి.హనుమంతరావు (వీహెచ్)కు కరోనా ఉన్నట్లు వైద్యులు నిర్ధరించారు. కొద్ది రోజులుగా ఆరోగ్యం బాగా లేకపోవడంతో ఆయన్ను కుటుంబ సభ్యులు అపోలో ఆస్పత్రిలో చేర్చారు.