ఘట్కేసర్ ఎంపీపీ ఏనుగు సుదర్శన్ రెడ్డి పై దాడికి ప్రయత్నం

మేడ్చల్ జిల్లా ఘట్కేసర్ ఎంపీపీ ఏనుగు సుదర్శన్ రెడ్డిపై ప్రతాప్ సింగారం గ్రామంలో దాడికి ప్ర‌త‌య్నం జ‌రిగింది. వివారాల్లో్కి వెళ్తే…ఓ నిశ్చితార్థం కార్యక్రమానికి హాజరైన ఘట్కేసర్ ఎంపిపి సుదర్శన్ రెడ్డిని మాజీ ఎమ్మెల్యే మల్లిపెద్ది సుధీర్ రెడ్డి అనుచరులు అడ్డుకున్నారు దీంతో ఇరువర్గాల మధ్య ఘర్షణ జ‌రిగి కారు అద్దాలు ధ్వంసం అయ్యాయి. జెడ్పీ చైర్మన్ మల్లిపెద్ది శరత్ చంద్ర రెడ్డి, మాజీ ఎమ్మెల్యే సుధీర్ రెడ్డి అనుచర వర్గం దాడికి ప్రయత్నం చేశార‌ని స‌మాచారం. ఘట్కేసర్ ఎంపీపీ ఏనుగు సుదర్శన్ రెడ్డి… మేడిపల్లి పోలీస్ స్టేషన్లో ఫిర్యాదు చేశారు. కాగా ప్రతాప్ సింగారం గ్రామంలో ఉద్రిక్త పరిస్థితులు నెల‌కొన్నాయి. మ‌ల్కాజ్‌గిరి ఏసీపీ న‌ర‌సింహ్మారెడ్డి మేడిప‌ల్లి వ‌చ్చి ప‌రిస్థితిని స‌మీక్షించారు.