క‌రోనా తో గ‌జ‌గ‌జ వ‌ణుకుతున్న మెదక్
మెదక్ జిల్లా గ‌జ గ‌జ వ‌ణికిపోతోంది. ఎక్క‌డ క‌రోనా మ‌మ్మ‌ల్ని కాటేస్తుందో అనే భ‌యం ఏ ఒక్క‌రిని విడిచిపెట్టడం లేదు. ఎంత అత్య‌వ‌స‌ర ప‌నులు ఉన్నా… వాయిదా వేసుకుంటున్నారు. నిత్యం జిల్లా వ్యాప్తంగా కేసులు పెరుగుతునే ఉన్నాయి. ఇక తెలంగాణలో ఇప్ప‌టికే 4వేల పాజిటివ్ కేసులు దాటి పోయాయి. కొత్తగా 192కేసులు నమోదు కాగా..8మంది మరణించారు. వాటిలో జీహెచ్ఎంసీ పరిధిలో 143, మేడ్చల్‌లో 11, సంగారెడ్డిలో 11, రంగారెడ్డిలో 8, మహబూబ్ నగర్లో 4, జగిత్యాల, మెదక్ జిల్లాల్లో 3 చొప్పున, నాగర్ కర్నూల్, కరీంనగర్‌లో 2 చొప్పున, నిజామాబాద్, వికారాబాద్, నల్గొండ, సిద్దిపేట జిల్లాల్లో ఒక్కో కేసు చొప్పున నమోదయ్యాయి. దీంతో రాష్ట్ర వ్యాప్తంగా మొత్తం కేసుల సంఖ్య 4,111 కి చేరింది. వీరిలో 448 మంది విదేశాలు, ఇతర రాష్ట్రాల నుంచి వచ్చిన వారు, వలస కార్మికులు ఉన్నారు.