తెలంగాణలో పెరుగుతున్న క‌రోన కేసులు
తెలంగాణ రాష్ట్రంలో స్థానికంగా కొత్తగా 100 కరోనా పాజిటివ్‌ కేసులు నమోదయ్యాయి. వీటితో రాష్ట్రంలో మొత్తం కరోనా కేసుల సంఖ్య 2068 కి చేరింది. రాష్ర్టానికి వలస వచ్చిన వారిలో ఈ రోజు కొత్తగా 14 కేసులు నమోదయ్యాయి. దీంతో రాష్ట్రంలో ఈ రోజు నమోదైన మొత్తం కేసుల సంఖ్య 74. ఇతర ప్రాంతాల నుంచి రాష్ర్టానికి వచ్చిన వారిలో మొత్తం 431 మందికి కరోనా పాజిటివ్‌గా నిర్ధారణ అయింది. ఇక రాష్ట్ర వ్యాప్తంగా కరోనా వైరస్‌ సోకి చికిత్స తీసుకుని మెరుగుపడి డిశ్చార్జి అయిన వారి సంఖ్య 1412 మంది. రాష్ట్ర వ్యాప్తంగా కరోనా సోకి మరణించిన వారి సంఖ్య 77. ప్రస్తుతం ఆస్పత్రుల్లో కరోనా చికిత్స తీసుకుంటున్న వారి సంఖ్య 1010. స్థానికంగా నమోదైన కొత్త కేసుల్లో 41 కేసులు జీహెచ్‌ఎమ్‌సీలోనే ఉన్నాయి. మిగిలిన వాటిలో 5 రంగారెడ్డి జిల్లాలో, మహబూబ్‌నగర్‌, జగిత్యాలలో రెండు చోప్పున, సంగారెడ్డి, నిజామాబాద్‌, నాగర్‌కర్నూల్‌, మేడ్చల్‌, వికారాబాద్‌, వరంగల్‌ అర్బన్‌, వనపర్తి, సూర్యాపేట జిల్లాల్లో ఒక్కో కేసు చొప్పున నమోదయ్యాయి. వలస వచ్చిన వారితో కలిపితే ప్రస్తుతం కరోనా భాదితుల సంఖ్య 2499 మందిగా ఉంది.