తెలంగాణలో కొత్తగా 107 కరోనా పాజిటివ్‌ కేసులు
తెలంగాణ రాష్ట్రంలో ఇవాళ నిర్వహించిన కరోనా పరీక్షల్లో కొత్తగా 107 కరోనా పాజిటివ్‌ కేసులు వెలుగుచూశాయి. అందులో తెలంగాణ నుంచి 39 నమోదు కాగా.. వలస వచ్చిన 19 మందికి, సౌదీ అరేబియా నుంచి వచ్చిన మరో 49 మందికి కరోనా నిర్ధారణ అయ్యింది. లాక్‌డౌన్‌ నిబంధనల్లో సడలింపులు ఇవ్వడంతో ఇతర దేశాలు, రాష్ట్రాల నుంచి ఎక్కువ మంది ప్రజలు వస్తున్నారు. అయితే, కొందరిలో వైరస్‌ వెలుగు చూస్తుండడంతో వీరి సంఖ్యను వేరుగా చూపించాలని ప్రభుత్వం నిర్ణయించింది. దీని ప్రకారం తెలంగాణలో మొత్తం కేసుల సంఖ్య 1842కి చేరగా.. ఇతర ప్రాంతాల నుంచి వచ్చిన 297 మందికి ఇప్పటి వరకు ఈ వైరస్‌ నిర్ధారణ అయ్యింది.