తెలంగాణలో కొత్తగా 52 కరోనా కేసులు
ఈ రోజు రాష్ట్రంలో కొత్తగా మరో 52 కరోనా పాజిటివ్‌ కేసులు నమోదయ్యాయి. ఇప్పటి వరకు నమోదైన మొత్తం పాజిటివ్‌ కేసుల సంఖ్య 1813 కు చేరింది. కొత్తగా వచ్చిన కరోనా పాజిటివ్‌ కేసుల్లో 33 జీహెచ్‌ఎమ్‌సీ పరిధిలో నమోదు కాగా, మిగితావి ఇతర ప్రాంతాల నుంచి వచ్చిన వారిలో 19 నమోదయ్యాయి. ఈ రోజు కరోనా పాజిటివ్‌ వచ్చి చికిత్స తీసుకుని తిరిగి కరోనా నెగెటివ్‌ వచ్చి ఆస్పత్రి నుంచి డిశ్చార్జ్‌ అయిన వారు 25 మంది ఉన్నారు. ప్రస్తుతం రాష్ట్రంలో ఉన్న యాక్టివ్‌ గా ఉన్న కేసుల సంఖ్య 696 గా ఉంది. ఇప్పటి వరకు రాష్ట్రంలో కరోనా నయం అయి ఆస్పత్రి నుంచి డిశ్చార్జ్‌ అయిన వారి సంఖ్య 1068 మందిగా ఉంది. రాష్ట్ర వ్యాప్తంగా కరోనా వల్ల చనిపోయిన వారి సంఖ్య మొత్తం 49 మంది. మొత్తం ఇతర ప్రాంతాల నుంచి వచ్చిన వారిలో పాజిటివ్‌ కేసుల సంఖ్య 137.