స్టార్ స్పా సెంట‌ర్‌పై ఎస్ఓటీ దాడులు
రాష్ట్ర ప్ర‌భుత్వం ఇచ్చిన లాక్ డౌన్ స‌డ‌లింపులో భాగంగా హైదరాబాద్లో స్పా సెంట‌ర్ల ద్వారాలు తెరుచుకున్నాయి. మ‌దాపూర్‌లోని మెడిక‌వ‌ర్ ఆసుప‌త్రి స‌మీపంలోని స్టార్ బ్యూటీ సెలూన్ అండ్ స్పా గుట్టుచ‌ప్పుడు కాకుండా అమ్మాయిల‌తో టాప్‌లెస్‌, బాడీ టూ బాడీ ( ఒంటిపై నూలు పోగులేకుండా ) మాసాజ్ చేస్తున్న‌ట్లు స‌మాచారం అందుకున్న మాదాపూర్ స్పెష‌ల్ అప‌రేష‌న్ టీం (ఎస్ఓటీ) పోలీసులు ఆ స్పాపై దాడులు నిర్వ‌హించారు. ఇద్ద‌రు అమ్మాయిల‌తో పాటు స్పా మేనేజ‌ర్‌ని అదుపులోకి తీసుకుని మాదాపూర్ పోలీసుల‌కు అప్ప‌గించారు. మాదాపూర్ పోలీసుల విచార‌ణ‌లో ఉప్ప‌ల్‌కి చెందిన న‌రేంద‌ర్‌రెడ్డి ఈ స్పా నిర్వహిస్తున్న‌ట్లు తేలింది. అత‌నిపై కేసు న‌మోదు చేసే యోచ‌న‌లో ఉన్న‌ట్లు పోలీసులు తెలిపారు.