ఉదయం ఆరు నుంచి ఆర్టీసీ సర్వీసులు

రాష్ట్రవ్యాప్తంగా ఆర్టీసీ బస్సులు నడుస్తాయని తెలంగాణ ముఖ్యమంత్రి కేసీఆర్‌ తెలిపారు. రేపు ఉదయం ఆరు నుంచి ఆర్టీసీ సర్వీసులు నడుస్తాయని ఆయన తెలిపారు. అయితే హైదరాబాద్‌లో సిటీ బస్సు సర్వీసులు నడవవని స్పష్టం చేశారు. ‘‘రాష్ట్రంలో ఆటోలు, టాక్సీలకు అనుమతి ఇస్తున్నాం. ఆటోలో డ్రైవర్‌ +2, టాక్సీలో డ్రైవర్‌ +3 నియమం పాటించాలి. రాష్ట్రవ్యాప్తంగా సెలూన్లు తెరుచుకోవచ్చు. ఈ-కామర్స్‌ ను అనుమతి ఇస్తున్నాం. ప్రైవేటు, ప్రభుత్వ కార్యాలయాలు జాగ్రత్తలు తీసుకొని, వంద శాతం సిబ్బందితో కార్యకలాపాలు నిర్వహించుకోవచ్చు. పరిశ్రమలు వంద శాతం సిబ్బందితో నిర్వహించుకోవచ్చు. అయితే కొవిడ్‌ జాగ్రత్తలు కచ్చితంగా పాటించాలి’’ అని సీఎం కేసీఆర్‌ చెప్పారు. రాత్రి పూట కర్ఫ్యూ యథాతథంగా కొనసాగుతుందని సీఎం చెప్పారు.