మళ్లీ పెళ్లి చేసుకున్న దిల్ రాజు

ప్రముఖ సినీ నిర్మాత దిల్ రాజు (49) నిన్న మాతృ దినోత్సవం నాడు పెళ్లి చేసుకున్న సంగతి తెలిసిందే. ఈ విషయాన్ని ఆయన అధికారికంగా ప్రకటించాడు.

ప్రముఖ సినీ నిర్మాత దిల్ రాజు (49) నిన్న మాతృ దినోత్సవం నాడు పెళ్లి చేసుకున్న సంగతి తెలిసిందే. ఈ విషయాన్ని ఆయన అధికారికంగా ప్రకటించాడు.

గత కొన్ని నెలలుగా రాజు రెండో పెళ్లి చేసుకోబోతున్నట్టు రూమర్స్ వినిపిస్తున్న వేళా.. వాటిని నిజం చేస్తూ ఆయన నిన్న తన సొంతూరు నిజామాబాద్ జిల్లాలోని నర్సింగ్ పల్లిలో వివాహం చేసుకున్నారు. నిన్న (మే 10) రాత్రి తన ఇష్టదైవమైన శ్రీవెంకటేశ్వర స్వామీ దేవాలయంలో అతికొద్దిమంది బంధువుల సమక్షంలో వివాహం చేసుకున్నారు.

మూడేళ్ల క్రితం దిల్ రాజు భార్య అనిత.. అనారోగ్యంతో 2017లో మరణించింది. ఈ ఘటన దిల్ రాజును తీవ్ర బాధను మిగిల్చింది. ఇక అప్పటి నుండి ఒంటరిగా ఉంటున్నాడు. అయితే, జీవితంలో ఒంటరిగా ఉండటం చాలా కష్టం. అది గమనించిన దిల్ రాజు కూతురు హర్షిత రెడ్డి నాన్నకు ఎలాగైనా మళ్ళీ పెళ్లి చేయాలని అనుకుంది. బరువైన ఆ బాధ్యతను భుజాన వేసుకొని పెళ్లి పెద్దగా వ్యవహచింది.

మాతృ దినోత్సవం రోజున తన తండ్రికి మళ్ళీ పెళ్లి చేసింది. అయితే దిల్ రాజు పెళ్లి వార్త బయటకు రాగానే.. అటు ఇండస్ట్రీలోనూ బయటి జనంలోను.. ఆయన రెండో పెళ్లి చేసుకోబోతున్న ఆ యువతి ఎవరు? ఆమె ఎం చేస్తుంది.. అనే సందేహం అందరిలోనూ మొదలైంది. కాగా దిల్ రాజు కులాంతర వివాహం చేసుకున్నట్లు తెలుస్తోంది.