తాగొస్తే భర్తలకు అది ఇవ్వకండి…
తెలుగు రాష్ట్రాల్లో మద్యం అమ్మకాలపై ప్రజాశాంతి పార్టీ అధినేత కేఏ పాల్ మండిపడ్డారు. ఓ స్నేహితుడు తనకు కాల్ చేసి హార్ట్ బ్రేకింగ్ న్యూస్ చెప్పాడని.. మందు తాగడానికి లిక్కర్ షాపులు ఓపెన్ చేయడం సరికాదన్నారు. మద్యపాన నిషేధమని ఎన్నికలకు ముందు చెప్పారని.. ఇప్పుడు ఆ హామీ ఏమైందన్నారు. కరోనాతో జనాలు చనిపోతుంటే అనుమతులు ఎలా ఇచ్చారని ప్రశ్నించారు. లిక్కర్ షాపుల దగ్గర భౌతిక దూరం పాటించడం లేదు.. ఈ తాగుడు ద్వారా నష్టం తప్ప లాభం ఏమైనా ఉందా అంటూ మండిపడ్డారు.
జనాలు క్యూ లైన్లలో భౌతిక దూరం పాటించకుండా నిలబడితే కరోనా వచ్చే ప్రమాదం ఉందన్నారు పాల్. ఒకవేళ వారికి వైరస్ వస్తే.. ఇళ్లకు వెళ్లాక కుటుంబ సభ్యులకు అంటుకునే ప్రమాదం ఉందన్నారు. లాక్‌డౌన్ కఠినంగా అమలు చేయాలని అందరూ చెబుతున్నారని.. ప్రభుత్వాలకు పరిస్థితి తెలుసు.. మద్యం షాపులకు ఎలా అనుమతి ఇస్తారుని ప్రశ్నించారు. వెంటనే మద్యాన్ని నిషేధించాలని డిమాండ్ చేశారు. డబ్బుల కోసం ప్రభుత్వాలు షాపులు ఓపెన్ చేశాయా అని ప్రశ్నించారు.
ఈ మద్యం దెబ్బకు కుటుంబాలు నాశనం అవుతున్నాయని పాల్ ఆవేదన వ్యక్తం చేశాడు. కరోనా వంటి క్లిష్ట సమయంలో ఎలా అనుమతి ఇస్తారని ప్రశ్నించారు తాగినవాళ్లకు దాతలు ఉచితంగా అందజేసి ఆహారాన్ని నిలిపివేయాలన్నారు. మద్యం తాగినవాళ్ల చేతులకు చుక్కలు పెట్టాలన్నారు. ఫ్రీ రేషన్ ఇవ్వకూడదన్నారు. ప్రభుత్వం మద్యం ద్వారా ఆదాయం తెచ్చుకోవాలనుకోవడం దారుణమని.. ఆడవాళ్లు భర్తలకు బుద్ది చెప్పాలని.. తిండి పెట్టకండి, అవసరమైతే కొట్టండి అంటూ పిలుపునిచ్చారు పాల్.