తెలాంగాణలో వెయ్యి దాటినా కరోనా కేసులు

తెలంగాణాలో కరోనా పాజిటివ్ కేసులు కలవర పెడ్తున్నాయి. రాష్ట్రవ్యాప్తంగా గడిచిన 24 గంటల్లో 11 కరోనా పాజిటివ్‌ కేసులు నమోదు కావడంతో మొత్తం కేసుల సంఖ్య 1001కి చేరింది. తాజా కేసులన్నీ గ్రేటర్‌ హైదరాబాద్‌ పరిధిలోనే నమోదయ్యాయని రాష్ట్ర ఆరోగ్యశాఖ ఆదివారం సాయంత్రం వెల్లడించింది. కోవిడ్‌ బాధితుల్లో నేడు మరో 9 మంది కోలుకుని డిశ్చార్జ్‌ అయ్యారని తెలిపింది. దీంతో వైరస్‌ బారినపడి కోలుకున్నవారి సంఖ్య 316 కు చేరింది. తెలంగాణలో ఇప్పటివరకు కరోనాతో 25 మంది మరణించారు. ప్రస్తుతం యాక్టివ్‌ కేసుల సంఖ్య 660 గా ఉంది. ఇక జిల్లాల వారీగా కేసుల సంఖ్య, ఎంతమంది కోలుకున్నదీ ప్రభుత్వం జాబితా విడుదల చేసింది.