డిస్నీ+హాట్‌స్టార్‌తో కలిసి ఎయిర్టెల్ స్పెషల్ 401 ఆఫర్
వినియోగదారుల కోసం ఎయిర్టెల్ సరికొత్త ఆఫర్‌ను తీసుకొచ్చింది. ప్రముఖ వీడియో స్ట్రీమింగ్ ప్లాట్‌ఫాం డిస్నీ+హాట్‌స్టార్‌తో కలిసి ఎయిర్టెల్ ఈ ఆఫర్‌ను ప్రకటించింది. కేవలం రూ.401తో రీచార్జ్ చేసుకోవడం ద్వారా డిస్నీ+హాట్‌స్టార్ సాంవత్సరిక సబ్‌స్క్రిప్షన్‌తో పాటు 28 రోజుల వ్యాలిడిటీతో 3జీబీ డేటాను కూడా ఎయిర్టెల్ అందించనుంది. దేశంలో ఆన్‌లైన్ వీడియో స్ట్రీమింగ్ వినియోగదారుల సంఖ్య పెంచేందుకు, డిజిటల్ పేమెంట్స్‌ విధానాన్ని ప్రోత్సహించేందుకు ఈ ఆఫర్‌ను తీసుకొచ్చినట్లు రెండు సంస్థలు పేర్కొన్నాయి. దేశంలోని ప్రతి ఎయిర్టెల్ ప్రీపెయిడ్ వినియోగదారుడు ఈ ఆఫర్‌ను పొందవచ్చని ఎయిర్టెల్ వెల్లడించింది. ఈ ఆఫర్‌ను పొందిన వినియోగదారులకు డిస్నీ+హాట్‌స్టార్ వీఐపీ ప్యాక్‌ లభిస్తుందని, దాని ద్వారా తెలుగు, ఇంగ్లీష్, తమిళ్ మొదలైన అనేక భాషల్లోని సరికొత్త సినిమాలు, చిన్నారుల యానిమేషన్ సినిమాలు, హాట్‌స్టార్ ఎక్స్‌క్లూజివ్ స్పెషల్ ప్రోగ్రాంలు, స్పోర్ట్స్ వంటి ఇష్టమైన అన్ని ప్రోగ్రాంలను నిరాటంకంగా చూసి ఆనందించవచ్చని డిస్నీ+హాట్‌స్టార్ తెలిపింది.