నిన్న బయపెట్టిన కరోనా ఇవాళ కాస్త తగ్గింది

తెలంగాణాలో కరోనా ఉధృతి రోజు రోజుకి పెరుగుతుంది. అయితే నిన్నటి కేసులతో పోలిస్తే ఇవాళ కాస్త తక్కువ కేసులు నమోదు అయినట్టు చెప్పుకోవాలి. మంగళవారం 56 కేసులు నమోదు కాగా…. బుధవారం ఒక్క రోజే కొత్తగా 15 కరోనా పాజిటివ్‌ కేసులు నమోదయ్యాయని రాష్ట్ర వైద్య, ఆరోగ్య శాఖ వెల్లడించింది. దీంతో రాష్ట్రంలో కరోనా బాధితుల సంఖ్య 943కి చేరింది. ప్రస్తుతం కరోనా బారినపడి 725 మంది చికిత్స పొందుతున్నారు. రాష్ట్రంలో ఇప్పటివరకు 194 మంది వ్యాధి నుంచి కోలుకొని డిశ్చార్జి కాగా.. 24 మంది మృతి చెందినట్లు రాష్ట్ర వైద్య, ఆరోగ్య శాఖ తెలిపింది.