కేబినెట్ సమావేశం ప్రారంభం
లాక్ డౌన్ సడలింపులపై చర్చ
కరోనా వ్యాప్తి, లాక్‌డౌన్‌ పరిస్థితుల నేపథ్యంలో తెలంగాణ కేబినెట్ భేటీ ప్రారంభమైంది. ప్రగతిభవన్‌లో సీఎం కేసీఆర్‌ అధ్యక్షత జరుగుతున్న సమావేశంలో పలు కీలక నిర్ణయాలను తీసుకునే అవకాశముంది. లాక్‌డౌన్‌ ఆంక్షల సడలింపుపై మంత్రివర్గం చర్చించనుంది. ఈనెల 20 నుంచి కొన్ని మినహాయింపులు ఇవ్వాలని కేంద్ర ప్రభుత్వం సూచించిన నేపథ్యంలో తాజా కేబినెట్ భేటీకి ప్రాధాన్యం ఏర్పడింది. కేంద్రం ఇచ్చిన మార్గదర్శకాలపై చర్చించడంతో పాటు రాష్ట్ర ప్రభుత్వ పరంగా ప్రత్యేక నిబంధనలపై నిర్ణయం తీసుకునే అవకాశముంది.