లాక్‌డౌన్‌కు సిద్ధం కావాలి: బండి సంజయ్‌
లాక్డౌన్ పొడిగింపుపై భాజపా కార్యకర్తలు సంసిద్ధం కావాలని ఆ పార్టీ రాష్ట్ర అధ్యక్షుడు బండి సంజయ్‌ పిలుపునిచ్చారు. దేశహితం కోసం ప్రధాని నరేంద్రమోదీ తీసుకునే ఏ నిర్ణయానికైనా పార్టీ కార్యకర్తలు కార్యోన్ముఖులు కావాలన్నారు. లాక్డౌన్ కాలంలో ఏ ఒక్కరూ ఆకలితో అలమటించకుండా భాజపా శ్రేణులు సేవా కార్యక్రమాల్లో పాల్గొనాలని ఆయన ఓ ప్రకటనలో పిలుపునిచ్చారు. తెలంగాణలో రోజు రోజుకూ పెరుగుతున్న కరోనా పాజిటివ్ కేసుల దృష్ట్యా లాక్డౌన్ పొడిగించే అవకాశం ఉందన్నారు. కరోనా విపత్కర పరిస్థితుల్లో రాజకీయాలు తగవన్నారు. మర్కజ్ వెళ్లిన వారికి పాజిటివ్‌లు పెరుగుతున్న తరుణంలో కట్టడికి ప్రభుత్వం చర్యలు తీసుకోవాలన్నారు