కరోనా తో కమెడియన్ మృతి

మహమ్మారి కరోనా మృత్యుఘంటిక మోగిస్తోంది. సామాన్యులు, సెలబ్రిటీలు అనే భేదం లేకుండా ఎందరో కరోనా వలన కన్నుమూస్తున్నారు. ఇటీవల జపనీస్ కమెడీయన్ కెన్‌ షిమురా కరోనా బారిన పడి మృత్యువాత పడ్డారనే విషయం మరచిపోకముందే ఇప్పుడు ప్రముఖ ఆంగ్ల హాస్యనటుడు ఎడ్డీ లార్జ్ (78) కరోనా వైరస్ కారణంగా తుది శ్వాస విడిచారు.ఎడ్డీ లార్జ్ గత కొద్ది రోజులుగా అనారోగ్య సమస్యలతో బాధపడుతున్నారు. గుండె వైఫల్యంతో బాధపడుతున్న ఆయన ఇటీవల ఆసుపత్రిలో చేరారు. ఆ సమయంలో అతనికి కరోనా వైరస్ సోకిందని పెద్ద కుమారుడు, ర్యాన్ మెక్‌గిన్నిస్ తన ఫేస్‌బుక్‌లో పేర్కొన్నాడు. ఈ రోజు తెల్లవారుజామున మా నాన్న కన్నుమూసినట్లు చెప్పడానికి నేను మా అమ్మ చాలా చింతిస్తున్నాము అని ర్యాన్ పేర్కొన్నారు.