ప‌బ్‌పై ఎస్ఓటీ పోలీసుల దాడులు
హైదరాబాద్ గచ్చిబౌలిలోని శరత్ సిటీ మాల్ లో నడుస్తున్న ఎయిర్ లైవ్ పబ్ పై మాదాపూర్ ఎస్ఓటీ పోలీసులు ఆకస్మిక దాడులు నిర్వహించారు. ఈ పబ్ నిబంధనలకు విరుద్ధంగా నడుస్తోందని తెలిపారు. సోమవారం అర్ధరాత్రి దాటినా భారీగా డీజే సౌండ్స్ పెట్టి ఇబ్బందికి గురి చేస్తున్నారంటూ పరిసర ప్రాంతాల ప్రజలు ఇచ్చిన సమాచారంతో ఈ దాడులు నిర్వహించారు.
పబ్ ఓనర్ అతిన్ అగర్వాల్, మేనేజర్ వినీత్ తో పాటు మొత్తం ఏడుగురిని ఎస్ఓటీ పోలీసులు అదుపులోకి తీసుకున్నారు. డీజే కి ఉపయోగించే పరికరాలను సీజ్ చేశారు. కేసు నమోదు చేసుకుని దర్యాప్తు చేస్తున్నామని గచ్చిబౌలి పోలీసులు తెలిపారు.