చంద్ర‌బాబుకు పుట్టినరోజు శుభాకాంక్ష‌లు తెలిపిన కాట్ర‌గ‌డ్డ

మాజీ ముఖ్య‌మంత్రి చంద్రబాబునాయుడికి పుట్టినరోజు శుభాకాంక్ష‌లు తెలియ‌జేశారు తెలంగాణ రాష్ట్ర తెలుగుదేశం పార్టీ రాష్ట్ర ఉపాధ్య‌క్షురాలు, మాజీ ఎమ్మెల్యే కాట్ర‌గ‌డ్డ ప్ర‌సూన‌. ఈ సంద‌ర్భంగా ఆమె మాట్లాడారు. గ‌తంలో ఉమ్మ‌డి రాష్ట్రానికి, రాష్ట్రం విడిపోయిన త‌ర్వాత ఆంధ్ర‌ప్ర‌దేశ్ రాష్ట్రానికి సీఎంగా త‌న వంతు కృషితో అభివృద్ధి సాధించిన గొప్ప‌నాయకుడిగా పేర్కొన్నారు. ఆయ‌న చాక‌చ‌క్యంతోనే ఇప్పుడు ఉన్న ఏపీ రాష్ట్రం మెరుగైన రాష్ట్రంగా ఉంద‌న్నారు. జ‌గ‌న్ పాల‌న వ‌చ్చిన‌ప్ప‌టి నుండి ప్ర‌జ‌లు అనేక ఇబ్బందులు ప‌డుతున్నార‌ని ఆరోపించారు. వ‌చ్చే ఎన్నిక‌ల్లో ఏపీ ప్ర‌జలు భారీ మోజార్టీతో చంద్ర‌బాబుని సీఎంగా చేస్తార‌నే న‌మ్మ‌కం త‌న‌కుంద‌ని తెలిపారు. వ‌చ్చే పుట్టిన రోజు వేడుక‌లు సీఎం హోదాలో చేసుకుంటార‌ని ఆశాభావం వ్య‌క్తం చేశారు.