నేడు బంజ‌రాహిల్స్ స్పాల‌పై దాడులు

హైద‌రాబాద్‌లో పుట్ట‌గొడుగులుగా పుట్టుకొస్తున్న మాసాజ్ సెంట‌ర్‌లు, స్పాల‌పై పోలీసులు ప్ర‌త్యేక దాడులు నిర్వ‌హించ‌నున్న‌ట్లు తెలుస్తోంది. ఈ మేర‌కు సంప‌న్న వ‌ర్గాల‌కు స‌మీపంలో ఉన్న బంజ‌రాహిల్స్‌, పంజాగుట్ట‌, జూబ్లిహిల్స్‌లోని అన్ని స్పాలు, మాసాజ్ సెంట‌ర్ల‌పై ఆదివారం ఏక‌కాలంలో దాడులు జ‌రుగుతాయ‌ని విశ్వ‌స‌నీయ స‌మాచారం. ఇటీవ‌ల కాలంలో స్పా, మాసాజ్‌, వెల్‌నెస్ క్లినిక్‌లు అంటూ తెరిచి చీకటి వ్యాపారం కొన‌సాగిస్తున్నార‌ని పోలీసుల‌కు స‌మాచారం అందిన‌ట్లు తెలుస్తోంది. ప్ర‌ధానంగా ఆమీర్‌పేట్‌లోని ఓ స్పాలో శాండ్‌విచ్ మాసాజ్ పేరుతో కొత్త వ్యాపారం మొద‌లుపెట్టార‌ని, బంజ‌రాహిల్స్ లో ఫోర్ హ్యాండ్స్ మాసాజ్ అనేపేరుతో స‌రికొత్త వ్యాపారం చేస్తున్నార‌ని వారిని ఎట్టిప‌రిస్థితుల్లో వ‌దిలిపెట్టేదిలేద‌ని ద‌శ‌ల వారిగా దాడులు చేయ‌నున్నార‌ని స‌మాచారం.