ఫిబ్ర‌వ‌రి 25న భీమ్లానాయ‌క్ వ‌స్తున్నాడు

జ‌న‌సేన అధినేత‌, న‌టుడు ప‌వ‌న్ క‌ల్యాణ్ న‌టించిన భీమ్లానాయ‌క్ విడుద‌ల సిద్ద‌మైంది. ఈ నెల 25వ తేదీని సినిమా విడుద‌ల చేయ‌నున్న‌ట్లు చిత్ర యూనిట్ తెలిపింది. ఇటీవల భీమ్లా నాయక్ కోసం రెండు విడుదల తేదీలు ప్రకటించడం తెలిసిందే. పరిస్థితులు అనుకూలిస్తే ఫిబ్రవరి 25న, లేకపోతే ఏప్రిల్ 1న వస్తామని చిత్రబృందం వెల్లడించింది. అయితే, ఫిబ్రవరి 25నే భీమ్లానాయక్ ను వరల్డ్ వైడ్ గా రిలీజ్ చేస్తున్నట్టు చిత్రబృందం నేడు కన్ఫర్మ్ చేసింది. సాగర్ కె చంద్ర దర్శకత్వంలో తెరకెక్కిన ఈ చిత్రంలో పవన్ సరసన నిత్యా మీనన్ కథానాయిక. ప్రతినాయకుడిగా రానా నటించారు. ఈ చిత్రానికి త్రివిక్రమ్ మాటలు అందించడం విశేషం. తమన్ స్వరకల్పనలో వచ్చిన భీమ్లా నాయక్ పాటలు ఇప్పటికే ప్రజాదరణ పొందాయి. మలయాళంలో హిట్టయిన అయ్యప్పనుమ్ కోషియుమ్ చిత్రానికి ఇది రీమేక్ గా రూపుదిద్దుకుంది.