తెలంగాణ‌లో త‌గ్గుముఖం ప‌ట్టిన క‌రోనా కేసులు

తెలంగాణ రాష్ట్ర వ్యాప్తంగా క‌రోనా కేసులు త‌గ్గుమ‌ఖం ప‌డుతున్నాయి. ఈ నేప‌థ్యంలో ప్ర‌జ‌లు నిర్ల‌క్ష్యం వ‌హించ‌రాద‌ని చెబుతున్నారు అధికారులు. గడచిన 24 గంటల్లో 69,892 మందికి కరోనా పరీక్షలు చేయగా, వారిలో 1,061 మందికి కరోనా నిర్ధారణ అయింది. అత్యధికంగా జీహెచ్ఎంసీ పరిధిలో 274 కేసులు, మేడ్చల్ మల్కాజిగిరి జిల్లాలో 78, రంగారెడ్డి జిల్లాలో 78 కేసులు నమోదయ్యాయి.

అదే సమయంలో 3,590 మంది కరోనా నుంచి కోలుకోగా, ఒకరు మరణించారు. రాష్ట్రంలో ఇప్పటివరకు 7,79,971 కరోనా పాజిటివ్ కేసులు నమోదు కాగా… 7,54,399 మంది ఆరోగ్యవంతులయ్యారు. ఇంకా 21,470 మంది చికిత్స పొందుతున్నారు. రాష్ట్రంలో కరోనా మృతుల సంఖ్య 4,102కి పెరిగింది.