టీసీపీఎల్ నుండి శుద్ధ్‌ బై టాటా సాల్ట్
భారతదేశంలో అతిపెద్ద మరియు అత్యంత విశ్వసనీయమైన ఎఫ్‌ఎంసీజీ కంపెనీలలో ఒకటైన టాటా కన్స్యూమర్‌ ప్రొడక్ట్స్‌ లిమిటెడ్‌ (టీసీపీఎల్) తమ తాజా ఆఫరింగ్‌ శుద్ద్‌ బైటాటా సాల్ట్‌ను భారతదేశ వ్యాప్తంగా ఎంపిక చేసిన ప్రాంతీయ మార్కెట్‌లలో విడుదల చేసింది. శుద్ధ్‌ బై టాటా సాల్ట్ అనేది అయోడైజ్డ్‌ సాల్ట్ బ్రాండ్‌. ఇది వినియోగదారులకు అత్యంత నాణ్యమైన బ్రాండెడ్‌ ఉప్పును సరసమైన ధరల వద్ద అందిస్తుంది. తెలంగాణా మార్కెట్‌లలో అందుబాటులోకి వచ్చిన ఈ ఉప్పు త్వరలోనే ఇతర మార్కెట్‌లలోకి అందుబాటులోకి రానుంది.
ఇంటర్నేషనల్‌ ఇనిస్టిట్యూట్‌ ఆఫ్‌ పాపులేషన్‌ సైన్సెస్‌ (ఐఐపీఎస్‌) నిర్వహించిన జాతీయ కుటుంబ ఆరోగ్య సర్వే (ఎన్‌ఎఫ్‌హెచ్‌ఎస్‌–5) నిర్వహించిన ఓ అధ్యయనం ప్రకారం కర్నాటక, తెలంగాణా, ఆంధ్రప్రదేశ్‌లలో దేశంలోనే అతి తక్కువగా అయోడైజ్డ్‌ ఉప్పును వినియోగిస్తున్నారు. శుద్ద్‌ బై టాటా సాల్ట్ అనేది ప్రాంతీయబ్రాండ్‌. ఇది ఆధీకృత మరియు అత్యున్నత నాణ్యత కలిగిన అయోడైజ్డ్‌ ప్యాకేజ్డ్‌ ఉప్పును ఈ మార్కెట్‌లలోని వినియోగదారులకు అందిస్తుంది. ఈ నూతన ఆఫరింగ్‌ ఈ మార్కెట్‌లలో సంభావ్య ఆరోగ్య ఆందోళనలను పరిష్కరించడంతో పాటుగా ఒకరి డైట్‌లో అయోడైజ్డ్‌ ఉప్పు ఆరోగ్య ప్రయోజనాలను సైతం వినియోగదారులకు అందిస్తుంది.
శుద్ద్‌ బై టాటా సాల్ట్ ఆవిష్కరణ గురించి టాటా కన్స్యూమర్‌ ప్రొడక్ట్స్‌ ప్యాకేజ్డ్‌ ఫుడ్స్‌–ఇండియా అధ్యక్షులు దీపక్‌ భాన్‌ మాట్లాడుతూ ‘‘ఉప్పు విభాగంలో మార్కెట్‌ అగ్రగామిగా, భావి మార్కెట్‌ అవసరాలను గుర్తించడంతో పాటుగా సృజనాత్మకంగా వాటిని పరిష్కరించడానికి కృషి చేస్తున్నాము. శుద్ద్‌ బై టాటా సాల్ట్‌ను తాము వినియోగించే ఉప్పు నాణ్యత పట్ల అసలు రాజీపడని నిర్ధిష్టమైన విభాగపు వినియోగదారుల అవసరాలను తీర్చే రీతిలో సృష్టించాము. వినియోగదారుల అవసరాలను తీర్చే రీతిలో అత్యున్నత నాణ్యత, సౌకర్యవంతమైన ఉత్పత్తులను అందించాలనే మా నిబద్ధతకు ఈ ఆవిష్కరణ ప్రతిరూపంగా నిలుస్తుంది’’ అని అన్నారు.