కేసీఆర్‌పై ష‌ర్మిల గ‌రం గ‌రం
తెలంగాణ సీఎం కేసీఆర్‌పై మండిప‌డ్డారు వైఎస్సార్ తెలంగాణ పార్టీ అధ్య‌క్షురాలు ష‌ర్మిల ఇంట గెలిచి ర‌చ్చ గెల‌వాల‌ని సూచించారు. తమిళనాడు ముఖ్యమంత్రి, కేరళ సీఎంతో మంతనాలు చేయడానికి, బీహార్ ప్రతిపక్ష నేతతో కలిసి దోస్తానా చేయడానికి, దేశ రాయకీయాల మీద చర్చ చేయడానికి మీకు సమయం ఉంది తప్ప… చనిపోతున్న రైతులను ఆదుకోవాలనే సోయి లేదని ఆగ్రహం వ్యక్తం చేశారు. సొంత రాష్ట్ర రైతులు చ‌నిపోతే ప‌ట్టించుకొని ఆయ‌న దేశ రాజ‌కీయాలు గురించి ఎలా మాట్లాడుతార‌ని ఎద్దేవా చేశారు. మీ రైతు వారోత్సవాల సాక్షిగా బ్యాంకుల ఆగడాలకు రైతులు బలైపోతున్నది మీకు కనపడుతోందా దొరా? అని ప్రశ్నించారు. పంట నష్టపోయి ఆత్మహత్య చేసుకునే రైతులు, వడ్డీ వ్యాపారుల చేతుల్లో నష్టపోయిన రైతులు మీకు కనపడరని విమర్శించారు. ముందు ఇక్కడి రైతుల చావులను ఆపి ఆ తర్వాత దేశాన్ని ఏలండి దొరా అన్నారు.