ప్ర‌పంచం అబ్బుర‌ప‌డేలా తెలంగాణ నూత‌న స‌చివాల‌యం – కేసీఆర్‌
దేశం గ‌ర్వించేలా, ప్ర‌పంచం అబ్బుర ప‌డేలా స‌చివాల‌యం నిర్మాణం జ‌ర‌గాల‌ని ఆకాంక్షించారు సీఎం కేసీఆర్‌. ఈ మేరు ఆయ‌న స‌చివాల‌యం నిర్మాణం ప‌నుల‌ను ప‌రిశీలించారు. పనులు జరుగుతున్న తీరుపై ఈ సందర్భంగా సీఎం సంతృప్తిని వ్యక్తం చేశారు. నిర్మాణంలో ఉన్న మంత్రులు, సెక్రటరీలు, వీఐపీల ఛాంబర్లు, పార్కింగ్ ప్రాంతాలను పరిశీలిస్తూ అధికారులకు తగు సూచనలు ఇచ్చారు. కారిడార్లు, గ్రౌండ్ ఫ్లోర్, మొదటి ఫ్లోర్ సహా ప్రాంగణమంతా కలియతిరిగారు. ఎలివేషన్ తదితర ఫైనల్ వర్కుల కోసం సూచనలు చేశారు. ఈ సందర్భంగా ఆర్ అండ్ బీ మంత్రి వేముల ప్రశాంత్ రెడ్డి, సంబంధిత అధికారులను అభినందించారు. ఉద్యోగులు ప్రశాంతంగా పని చేసేందుకు అనువైన వాతావరణం కల్పించేలా నిర్మాణం జరుగుతోందని సీఎం సంతోషాన్ని వ్యక్తం చేశారు.