రోశ‌య్య‌కు అన్నా రాంబాబు నివాళి

మాజీ ముఖ్యమంత్రి, దివంగత నేత, సీనియర్ కాంగ్రెస్ నాయకులు కీ.శే.కొణిజేటి రోశయ్య గారి పార్థీవ దేహానికి గిద్దలూరు శాసనసభ్యులు అన్నా.వెంకట.రాంబాబు గారు ఘన నివాళులు అర్పించినారు. వారి కుటుంబ సభ్యులకు ప్రగాఢ సానుభూతిని తెలిపారు. ఈ సందర్భంగా అన్నా. మాట్లాడుతూ ఒక గొప్ప మేధావి, ఆర్ధిక శాఖ మంత్రిగా దివంగత నేత డా.రాజ శేఖర్ రెడ్డి గారి ప్రభుత్వంలో చేపట్టిన ఎన్నో సంస్కరణలు, సంక్షేమ పథకాలలో తన వంతు పాత్రను పోషించిన గొప్ప వ్యక్తి అని, వారితో తన సహచర్యాన్ని, జ్ఞాపకాలను గుర్తుకు తెచ్చుకున్నారు. వారి మరణం ఈ రాష్ట్రానికి తీరని లోటు అని తెలియజేసారు. అన్నాతో పాటు ప‌లువురు వైకాపా నేతలు కూడా ఉన్నారు.