లేడీస్ టాయిలెట్‌లో సెల్ఫోన్ – తెరిచి చూస్తే షాక్‌
అది అంతా ధ‌న‌వంతులు ఉండే ప్రాంతం. ఖ‌రైద‌న కార్లు, అందంగా ఉండే స్త్రీలు. హైదరాబాద్‌లోని జూబ్లీహిల్స్‌లో ఉన్న వన్ డ్రైవ్‌ ఇన్‌ ఫుడ్‌కోర్టులోని మహిళల టాయిలెట్‌లో తన సెల్ఫోన్ పెట్టి వీడియోలు చిత్రీకరిస్తున్న హౌస్‌ కీపింగ్‌ బాయ్‌ను జూబ్లీహిల్స్‌ పోలీసులు బుధవారం అరెస్టు చేశారు. వివరాల్లోకి వెళితే.. నల్లగొండ జిల్లా బట్టి గూడెం గ్రామానికి చెందిన బొంగరాల బెనర్జీ (18) ఓ హోటల్లో ఆరు నెలల నుంచి పనిచేస్తున్నాడు. మూడురోజుల క్రితం తన సెల్ఫోన్ వీడియో కెమెరా ఆన్‌ చేసి హోటల్లో మహిళలు ఉపయోగించే టాయిలెట్‌లో పైన పెట్టాడు. దానిలో రికార్డైన వీడియోలు ప్రతిరోజూ చూస్తుండేవాడు. మూడు రోజులుగా గుట్టుచప్పుడు కాకుండా ఈ తంతు కొనసాగుతోంది. అయితే బుధవారం ఓ యువతి ఆ సెల్‌ఫోన్‌ను గమనించి యజమానికి ఫిర్యాదు చేసింది. యజమాని ఫిర్యాదుతో పోలీసులు రంగ ప్రవేశం చేసి బెనర్జీని అదుపులోకి తీసుకున్నారు. సెల్‌ఫోన్‌ను సీజ్‌ చేశారు. సుమారు 20 మంది మహిళల వీడియోలు ఫోన్లో చిత్రీకరించినట్లుగా గుర్తించారు. నిందితుడిపై నిర్భయ చట్టం కింద కేసు నమోదు చేశారు. మూడురోజుల నుంచే ఈ తతంగం నడుస్తోందా? ఇంతకు ముందు కూడా ఏమైనా వీడియోలు తీశాడా..? అన్న కోణంలో పోలీసులు దర్యాప్తు చేస్తున్నారు.